Lungse lun Met Kristian Tia ke Kas Mukena

KE pal se furreak loom seltal fwin an Trinidad, sou lun Bartholomew tula ma nu kemwa laltal sayen moul lalos. Sie sou su muta futoto eseltal in muta yuroltal, tusruktu tia pa inge saflaiyen me sramsram se inge.

Olive Bartholomew el sie sin Met Lo lun Jeova, a met nu kemwa su wi ke congregation lal​—wekunang met nu kemwa su wi ke kutu congregation su futoto ke congregation lal—​elos mutamwauk in orala kasru in sifwil musaiyuk loom sel su musalla. Sie committee oakiye in kurunganang orekma in sifwil musa, a in mutamwauk. Apkurun Met Lo 20, wekunang kutu sin met tulan lalos elos tuku. Fwinne met fwusr elos wi orekma, a kutu met elos tuku in kiteltal mongo.

“Sou luk arulanu lut,” Olive el fwak, oanu ma Trinidad Sunday Guardian el reporti. “Sou luk tianu Met Lo, a mokul tumuk arulanu lut ke ma el liye.”

In aketeye ke kas futoto kaifweung nu kemwa, coordinator lun construction el fwak la kain in orekma inge sie akul na paye lun met Kristian paye. “Kut tia oru orekma lun forfor sie loom nu ke sie loom mukena a sramsram ke lungse,” el fwak, “Kut kaifweung in orekmakin ke moul lasr ma kut luti.”​—Jon 13:34, 35.

[Picture on page 32]

Olive Bartholomew a mokul tumal