“Nga Fwa Apunla Loang Lom, O Jeova”

“NGA fwa olla in wangin metik, ou inge Nga fwa apunla Loang lom, O Jeova.” (Sam 26:6) Ke kas se inge Togusra Devid in pal meeta el akkalemye orekma oaru lal nu sin Jeova. Ke ma inge, efu el “apunla” loang lun Jeova, a mea kalmen ma inge?

Nu sel Devid, center lun alu nasnas pa loom sin Jeova wikin loang lal ke me kise su brass afwunye, a ke pal in kolyuk lal ma inge ku in konoiyukyuk in an Gibeon, leyen eir lun Jerusalem. (1 Togusra 3:4) Lupan loang se inge pa feet itkosr square, srik liki loang mwolanu su Solomon el musa ke tempel lal.a Fwinne ou inge, Devid el konaok insemwomwo lulap ke loom sin Jeova a loang lal, su pa inge center lun alu nasns lun Israel.​—Sam 26:8.

Me kise furur, me kise in misla, a me kise ke ma sito orekla ke loang, a ke Len in Orek Iumwe ke yiu nu kemwa me kise nu kemwa kisekinyuk in akinsemwomwoye mutanfwal. Loang a me kise lal oasr kalme nu sin met Kristian ke len inge. Met sap Poul el aketeye la loang el aoliyen ma lungse lun God, ke ma inge El eis me kise fwal in molela met nu kemwa. Poul el fwak: “Kut akmutalyeyuk tari in ‘lungse’ inge ke kise ke monin Jisus Kraist pal siefwunnu ke pal e nu kemwa.”​—Hibru 10:5-10.

Ke pal se el akola in oru kulansap lun loang, met tol in oanu fasin lalos in olla meet paolos ke kof in aknasnasyelos sifwanu. Ke ma inge, arulanu fwal, Togusra Devid el an olla paol “in wangin meta lal” meet liki el ‘apunla loang.’ El orekma “in inse paye, a in sumwos.” (1 Togusra 9:4) El fwin tia olla paol ke inkanek inge, inkanek in alu lal​—orekma lal in ‘apunla loang’—​tia ku in akinsemwomwoyeyuk. Paye, Devid el tia sie met Livai a wangin kunokon lal in oru orekma lun met tol ke loang. Fwinne el sie togusra, wangin sukosok lal in utyuk nu inkalkal lun loom sin Jeova. Fwinne ou inge, oanu sie met Israel oaru, el akos Ma Sap lal Moses a el wis me kise lal pal nu kemwa nu ke loang. El fwasr apunla loang ke el orekmakin moul lal nu kemwa nu ke alu nasnas.

Ya kut ku in etawi me srikasrak lal Devid ke len inge? Aok. Kut ku in olla pa paosr in wangin metasr a kut ku in apunla loang lun God kut fwin akkalemye lalalfongi ke me kise lun Jisus Kraist a, in ‘nasnas paosr a mutal insiesr,’ a kulansap nu sin Jeova ke insiesr kemwa.​—Sam 24:4.

[Footnote]

[Picture on page 19]

Loang el pitse ke ma lungse lun Jeova, ke ma inge el eis me kise fwal in molela met nu kemwa