Mea Me Asor Lal Ke Siti Lun New York

AKUL su ku in liyeyuk inge akkalemye ke sie building lun Watchtower Society fwin an Brooklyn, New York, mutamwauk 1950. Met su kasrusr ke kain in me kasrusr nu kemwa, met muteta, a kutupa met su fwasr alukela elos akismakinyeyuk in ridi Baibel len nu kemwa. Leta se ten’u su tuku sin sie mutan fwusr Met Lo, akkalemye ku lun me akismakinye se inge.

“Nga sramsram nu sin classmate se luk ke ma Nga lungse in oru tokin Nga srola ke high school. Nga mutamwauk in sramsram ke Bethel, pa inge ofus lulap emeet lun Met Lo lun Jeova, a el mutamwauk in arulanu pwar. El fwak nu sik la el muta fwin an New York City ke lusen moul lal nu fon. Sou lal tianu pwar ke alu, tusruktu ke lututeng nu kemwa ke pal se el ngetnget ke windo, oasr sie akul su fwak ‘Rid Kas lun God, Baibel Mutal Len Nu Kemwa,’ Ke ma inge, el ridi Baibel len nu kemwa meet liki el som nu ke loom lutut.

“Tokin el som liki siti inge, oasr ma el arulanu esam ke New York City ke pal se el ngetalik ke lututeng nu kemwa, el tia ku in sifwil liye akul su akismakinyel in ridi Baibel. Tusruktu ke sripen akul ke building lun Watchtower, el pula tari in ridi Baibel, paenang el tafwela in ridi Baibel len nu kemwa!”

Sie inkanek mwo na paye pa in ridi kutu Kas lun God ke mutamweyen len! Kom fwin oru ou inge, wangin alollo la, kom fwa insemwomwokin kas lun met sap Poul: “Baibel mutal . . . ku in aklalmetmetye kom nu ke molela ke lalalfongi su in Kraist Jisus.”​—2 Timote 3:15-17.