Mea Key ke Kutangla?

MET luo su kaifweung na paye elos akola in srike ma se su eltal lut ka fwin ma inge orekma ku tia. Ke pal na sa, sie eng upa tuyuk tuku a srukak ma se inge su arulanu fwusesr in musalla, el for yen engyengu, a eng sa okla ma inge nu ten a musalsallu. Mokul luo inge elos muta a tia kas misla a arulanu supwar. Ke sripen orekma upa lalos su orekma ke mwusra a sak musalla na paye.

Nu sel Orville a Wilbur Wright, ma sikyuk ke len ingo lun October 1900 tia me asor se meet ke sripen kaifweung lalos in musai sie me kasrusr su toasr liki eng su ku in soksok yen engyengu. Elos orekmakin tari yiu puspis a mani yok ke ma elos srike inge in oru.

Aok, ke saflaiye, kaifweung lalos oswela fwako. Ke December 17, 1903, in an Kitty Hawk, North Carolina, U.S.A., tumalel luo inge elos oru in soksok sie me kasrusr ke yen engyengu su oasr engine ka ke lusen secon 12​—ke lusen pal na futoto se kut fwin srike nu misinge ke lusen pal in soksok ke yen engyengu ke pal inge, ma inge fwal tari in ekulla fwal se inge ma patpat!

Pal nu kemwa kutangla ke ma puspis tuku ke mongfwusesr a kaifweung. Lutlut ke sie kas, lutlut ke sie orekma, ku fwinne in akkapye futoto nu sin sie met, ma nu kemwa su oasr sripe kom ku in eis ke inkanek lun kaifweung. “Ma eu inmaslon ma siengoul,” author se inge Charles Templeton el fwak, “kutangla pal nu kemwa tuku ke ma siefwunnu: orekma upa.” Met sim inge Leonard Pitts, Jr., el simusla: “Kut sramsram ke etauk, kut insese ke luck, tusruktu pal nu kemwa kut pilesru ma yok emeet. Orekma upa a tia kutangla. Pal in sa tuku a muta pat ke orekma.”

Ma inge akkalemye ma paye ke ma Baibel el fwak in pal meeta: “Poun met alken fwa leumi.” (Soakas 12:24) Kalmen moniyuk pa kut in kaifweung ke orekma lasr. Ma inge arulanu yok sripe fwin kut lungse in sun ma kut akola in oru.

[Picture Credit Line page 3]

U.S. National Archives photo