Met Kol lun Fwal Se Inge Kaksakin Met Lo

MAYOR Doña Teófila Martínez lun an Cádiz, Spain, sie siti su oasr molsron su ku in liyeyuk ke mail 300 leyen southwest lun an Madrid, el sang sie plaque (pitse lung) nu sin Met Lo lun Jeova. Ma simusla ka fwak: “Siti Hall lun Cadiz el akkalemye insemwomwo lalos nu sin Met Lo lun Jeova ke kaifweung a akesrui lalos ke siti se inge. Mea Met Lo lun Jeova elos oru tu in fwal nu ke me akfulat inge?

Ma inge etukyung nu selos in akalemye la elos akilen orekma lun Met Lo lun Jeova su elos oru in akmwoye kutu ma musalla ke nien sritel pangpang stadium ke sie municipal lun siti se inge. Ke lusen weekend puspis, foko foko sin Met Lo lun Jeova elos kisekin moul lalos sifwanu ke orekma in sifwil akmwoye loom fwasr puspis ten ke Carranza football stadium. Ke pal inge, elos nu kemwa su orekmakin stadium se inge elos ku in eis insemwomwo ke kof su tuku ke pipe, loom fwasr a kutupa me aknasnas su kof el tuku ka, a floor su elos orala.

Ke lusen pal loes, Met Lo lun Jeova elos engunkin futoto mwo lalos ke siti Cadiz. Yiu nu kemwa, city hall se inge arulanu kulang in lela Met Lo lun Jeova in orekmakin Carranza Stadium ke toeni lulap lun district lalos. Ke ma inge, Met Lo lun Jeova elos insemwomwo in oru kutena ma su oasr ke ku lalos in sang kasru in orala ma musalla ke stadium.

Tusruktu, sayen orekma lalos, Met Lo lun Jeova elos muteta nu sin met tulan lalos ke siti se inge in sang kasru nu sin met inge ke inkanek saye. Elos sulkakin “peng mwo” lun Togusrai lun God. Paye, elos tia oru orekma lun forfor lalos ye mutun metu tu in eis kaksak nu selos. Elos oru ou inge in akos ma sap lun Kraist in sulkakin “peng mwo lun Togusrai” a in “orala met tumal lutlut in mutanfwal nu kemwa.” (Mattu 24:14; 28:19) Ke inkanek inge, Met Lo lun Jeova elos fwinsrakin mu elos kasru met in an selos in eis etauk ke “inkanek lun sumwosmwos.”​—Soakas 12:28.