Elos Kaksakin Met Su Orelosla Ke Misla

TILLI lun fwat arulanu mwo na paye in liyeyuk. Tusruktu in liye luman fwat el fwin tilli fwintokin eol soko inge fwin an Apuan Alps lun Tuscany, Italy, siena liki.

Kom fwin liye ke an loes, fwat el luman tilli ke fwin eol a tia fwintokol. Efu? Meyen ke an se ma fulat emeet ke eol soko inge oasr pat ka su sasla nu ke fwintukul. Paye, eol soko inge eteyuk ke sie e, Monte Forato​—Eol Soko su Oasr Pat ka. Ke sripen forfor lun fwalu in raun ke fwat, paenang pal luo na ke yiu se, met su loang nu ke pat inge elos ku in liye fwat ke el luman tilli ke Monte Forato.

Oanu kutu ma su ku in liyeyuk ke ma orekla, kosrao su wangin moul el ku in sang kaksak nu sin Met Orela. Fuka in ou inge? Ke inkanek senpanu sie sroal kato saap ku in sang kaksak nu sin met sroal su orala ma inge. In oupanu ma inge, ma orekla nu kemwa in kosrao el sramsram ke ku, lalmetmet, a mwolanu lun Jeova. Oanu met sim lun Sam el fwak, “Kosrao fwakak ke mwolanu lun God; a yen engyengu fwakak ke orekma lun poul.” (Sam 19:1; 69:34) Ke sripen fwat a kutu ma orekla su wangin moul elos sang kaksak nu sin Met Orelosla, fuka yokiyen pal mwo lasr in oru ou inge!​—Sam 148:​1, 3, 12, 13.