Fwasrelik lun Fundamentalism

FUNDAMENTALISM​—ke lusen yiu ekasr somla, u se inge tia u na srisrik inmaslon alu puspis lun Protestant. Tusruktu oasr ma ekla lulap sikyuk! Bruce B. Lawrence, sie met sim ke alu, el simusla a akkalemye la ke yiu 30 somla, arulanu supus sin met elos tia nunku la ke saflaiyen century ak20, fundamentalisma el sie ma saok a me sramsram yok inmaslon met su orala news a ke lutlut ke university puspis.

Aok, pa inge ma sikyuk na paye. Report puspis ke newspaper akkalemye toeni lun met puspis ke inkanek a oru orekma silolel, akmas, toeni lain akmas ke awowo su srakna muta ke insien nine, orekma lun politic ke kasru lun u puspis lun alu, a furreak lun buk puspis su elos nunku mu koluk, ma inge nu kemwa me esmakin ke orekma lun fundamentalist. Me rid fwin an Italy su sramsram ke mani ke wik nu kemwa pangpang Mondo Economico el akkalemye la in an nu kemwa fundamentalism el orekmakin alu oanu kofwen orekma ke orekma upa in politic.

Pal nu kemwa fundamentalist akkalemyeyuk oanu sie met su arulanu moniyuk a akola in mise a in uniye kutu met, el orala plan koluk in lukma, el oru orekma silolel in aksangenye a uniye kutu met. Met puspis elos sensen ke u puspis inge oanu Comunione e Liberazione ke alu lun Roman Catholic, Gush Emunim ke alu lun Judaism, a ke Christian Coalition in North American Protestantism. Efu ku fundamentalism el arulanu fwasrelik? Mea ma inge su moklelos? Saap “foloksak lun God,” pa inge Gilles Kepel sie French Sociologist el fwak.

[Footnote]

[Picture Credit Line on page 3]

Nina Berman/Sipa Press