Sie Lwacta Sin Governing Body

Mwet Lili Wiyacsr Ke Luhlahlfongi:

Kuht suc alu nuh sin Jeova, kuht luhngse Kahs lal, Bible. Kuht luhlahlfongi na pwacye lah ma sihmlac kac uh ma sikyak na pwacye, kahs in kolyuck wo, ac mwe ahkpwacyeye ke luhngse luhn Jeova nuh sin mwet uh. (Psalm 119:105; Luke 1:3; 1 John 4:19) Kuht ke na pwacye in kahsruh mwet sahyac uh in lotwelah ke ma pwacye ma oasr ke Kahs luhn God. Ke srihpac se inge, kuht arlacna engan in oraclah puk se inge, “Mwe Lutlut Ma Kom Kuh In Lotwelah In Bible.” Lwelah kuht in ahkkahlwemye nuh suwos kuhtuh ma ke puk se inge.

Puk se inge oreklac in kahsruh tuhlihk srihsrihk uh. Ne ohinge, puk se inge kuh in orekmakihnyuck pac in kahsruh mwet mahtuh suc luhngse in lotwelah ma pucspucs ke Bible. Ac ke srihpen Bible uh ma nuh sin mwet nuhkewa, wacngihn ahlohloh kac lah in kalweni mwe lutlut inge ac kuh in kahsre kuht in engan na pwacye.

Orekmakihnyen ma sihmlac in Bible, puk se inge ahkkahlwemye ke mwe sramsram ke sucu luhn mwet muhtwacwacack ke pacl God el oracloslac. Ahkkahlwemyeyuck ke inkacnek na kahlwem ac fihsracsr ma sihmlac in Bible, ac fin kuh, tahklac fal nuhke pacl ma inge sikyak.

Sahyen mwe sramsram in Bible, puk se inge ahkkahlwemye pac kahs na wo ac petsac ma oreklac ke inkacnek in luhmahlah mwe sramsram in Bible, wi pac puhlakihn luhn mwet suc luhmweyucklac inge in arlacna pwacye, oacna elos in moul na.

Mwe rit se inge ac fah kahsre kuht in liye lah Bible uh pa sie puk ma sruhmuhn ke mwet uh—elos suc ahkos Jeova ac mwet suc tiac ahksol. Ac ma inge kahsre kuht in lotwelah mwe lutlut ke mwe srihkasrak lalos. (Rome 15:4; 1 Corinth 10:6) Oasr section 14 ke puk se inge. Ke muhtwacwaciyen kais sie section kuh ip inge, oasr mwe ahkuhtweyac na fototo ke kuhtuh mwe lutlut ma kuht kuh in lotwelah.

Kom fin sie pahpah kuh ninac, kom kuh in riti sie mwe lutlut nuh sin tuhlihk srihsrihk nuhtum ac sramsramkihn petsac ma oasr kac. Tohkohyang, kowos tuhkweni riti fuhs in Bible ma mwe lutlut se inge tuhkuh kac. Kahsruh tuhlihk nuhtum in liye lah ma el riti in Bible kuhpahsr fuhkah nuhke mwe lutlut ma oasr ke puk se inge. Inkacnek inge ac wo pac ke pacl kuht kahsruh sie mwet mahtuh in kahlwem ke pweng luhn Bible uh.

Kuht finsrak muh mwe rit se inge ac fah kahsruh mwet inse pwacye nuhkewa—mwet fuhsr ac mahtuh—in lotwelah ke Kahs luhn God ac moulkihn mwe lutlut inge ke moul lalos. Ma inge ac sang pacl wowo nuh selos in alu nuh sin Jeova ac wi ke sucu lal suc el luhngse na pwacye.