“Tohkohsrahi Lom In Tuhkuh”

Jeova el wuhlelah: ‘Ac fah wacngihn tuhng, kweok, mas, kuh misac. Nga ac fah eelah sroninmuhtahlos nuhkewa. Ma koluk nuhkewa suc sikyak meet ah ac fah muhlkihnyucklac.’

Jeova el fihlilyac Adam ac Eve nuh in imac Eden tuh eltahl in moulkihn moul mislac ac insewowo. Eltahl in alu nuh sin Pahpah tuhmwacltahl inkuhsrao ac nwacklah facluh sin tuhlihk nahtuhltahl. Adam ac Eve seahkos Jeova, finne ohinge oakwuck lal tiacna ekyek. Ke puk se inge, kuht liye lah wuhlelah nuhkewa luhn Jeova ahkpwacyeyuck. Tohkohsrahi lal ac fah use mwe insewowo wolacna pucspucs nuh facluh, in oacna ma el wuhlelah nuh sel Abraham.

Ac tiac paht Satan, demon nuhkewa lal, ac mwet koluk nuhkewa ac fah wacngihnlac. Mwet nuhkewa suc moul ac fah alu nuh sin Jeova. Kuht ac tiac wi mas kuh misac. A, kuht ac fah nguhtwelihk lwen nuhkewa fokoko ac insewowo. Facluh nohfohn ac fah eklac sie pacruhtais. Mwet nuhkewa ac fah oasr yohrohltahl mongo wowo ac lohm seltahl sifacna. Mwet uh ac fah kuhlwacng, ac tiac suhlallacl. Kuht ac fah tiac sahngweng sin kosro lwemnak, ac eltahl tiac pac sahngweng sesr.

Mwe engan na yohk ke pacl se ma Jeova el muhtwacwacack in ahkmoulyeack mwet misac. Kuht ac fah paing mwet in pacl meet ah oacna Abel, Noah, Abraham, Sarah, Moises, Ruth, Esther, ac David. Eltahl ac fah kahsre kuht in oraclah Facluh nuhke sie pacruhtais. Oasr orekma pucspucs ma kuht kuh in engankihn.

Jeova el luhngse kom in oasr we. Srackna puhs ma kom kuh in lotwelah kacl. Lwelah kuht in kwacfeacng lwen nuhkewa in fototo nuh sin Jeova, ingena ac nuh tok ma pahtpaht!