Biibilimi assersuutit isumaat paasiniakkit

Biibili assersuutinik ulikkaarpoq. Inuppassuilli tamakku paasiuminaatsit­tarpaat. (Mat 13:13) Paaserusukkukkit qanoq iliorsinnaavit? Uku siunnersuutit misileriakkit:

• Suna pineqarnersoq sumullu assersuun­neqarnersoq eqqarsaatigeriaruk. Assersuutigalugu Saqqummersitat 3:3-mi Jiisusi oqarpoq tillinniatut tikiukkumaarluni. Tassani Jiisusip tikiunnissaa pineqarpoq Jiisusilu tillinniamut assersuun­neqarluni.

• Eqqarsaatigeq­qissaaruk sammisap assersuusiallu qanoq assigiitsiginerat. Eqqarsaatigeriaruk sooq taakku imminnut assersuun­neqarnersut.

• Eqqortumik isummerit. Immaqa ilaatigooriarluni assersuusiaq paatsoor­neqarsinnaavoq. Assersuutigalugu Saqqummersitat 3:3-mi pineqanngilaq Jiisusi tikiutissasoq tillinniarumalluni. Isumaqarporli inuit naatsorsuutigin­ngisaannik tikiutissasoq, soorlu tillinniaq piffissami ilimagin­ngisami takkuttartoq. Jiisusimmi oqaatiginngilaa qaqugorpiaq tikiutis­sanerluni.