Guuti ilisarisimalerukku qanoq iluaqutigissaviuk?

Atuagas­siami matumani apeq­qut una akiniarsimavar­put: Guuti kinaava? Biibilimi paasivar­put Guuti Jehovamik ateqar­toq pis­susialu pingaar­neq tas­saasoq asan­nin­neq. Aam­ma eq­qar­tor­par­put inuit tamarmik iluaqutis­saan­nik qanoq iliorsimasoq qanorlu iliorumaar­toq. Guutili pil­lugu paasisas­sat suli amerlap­put, im­maqa eq­qarsaatigaat il­lit paasisaqar­nerit qanoq iluaqutigis­sanerit.

Jehova neriorsuivoq taan­na ‘ujaruk­ku naniumaarit’. (1 Nalunaarsuutit 28:9) Guuti ilisarisimaleruk­ku taan­na im­mik­kuul­laris­sumik qanimut ikin­ngutigilerit takorlooruk. (Tussiaat 25:14) Ikin­nguteqar­neq taama it­toq qanoq iluaqutigis­saviuk?

Pil­luar­neq piviusoq. Jehova ‘Guutiuvoq pil­luar­toq’. (1 Timotheusi 1:11) Taas­sumun­nga qanil­lineq taas­sumin­ngalu ilaarsineq piviusumik pil­lualis­sutigis­savat, taman­nalu misigis­sutsik­kut, isumak­kut timik­kul­lu iluaqutigis­savat. (Tussiaat 33:12) Aam­ma ajoqutaasumik inooriaaseqar­naveersaaruit, ileq­qunik ajun­ngitsunik ineriar­tor­titsiguit al­lanul­lu ajun­ngitsumik at­taveqar­tuaruit pil­luarlutit inuusin­naalis­saatit. Tus­siaasior­toq ima oqar­toq isumaqatigilis­sagunar­pat: “Guuti qanil­lugu inuuneq tas­sa pil­luar­nar­tora.” – Tussiaat 73:28.

Inut­tut soqutigineqar­neq isumagineqar­nerlu. Jehovap kif­fani ima neriorsor­pai: “Siun­nersus­savak­kit, isigiuas­savak­kil­lu.” (Tussiaat 32:8) Tas­sa Jehovap kif­fani inut­tut soqutigisar­pai isumas­suininilu taak­ku pisariaqar­titaan­nut naleq­qus­sar­tarlugu. (Tussiaat 139:1, 2) Jehovamut at­taveqarlualeruit paasis­savat taas­suma ikiorusut­tuaan­nas­sagaatit.

Siunis­saq nuan­nerunangaar­toq. Jehovap Guutip maan­na pil­luarluni nalerisimaarlunilu inuunis­samut ilin­niar­titsinermi saniatigut nuan­ningaar­tumik siunis­saqarsin­naatip­paatit. (Esaja 48:17, 18) Biibilimi ima al­las­simavoq: ‘Inuuneq naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.’ (Johannesi 17:3) Ul­luni ajor­nar­torsiorfiusuni mak­kunani neriuut Guutimeersoq ‘kitsatut im­mat’ aalajaas­sin­naavugut. – Hebræerit 6:19.

Guutimik ilisarisiman­niler­nis­samut taas­sumun­ngalu at­taveqaler­nis­samut pis­sutaasut pingaarutilip­pas­suit tamak­ku ilaminiin­naraat. Paasisaqar­nerorusuk­kuit Jehovap Nalunaajaasuisa ilaat oqaloqatigisin­naavat imaluun­niit jw.org alak­karlugu.