Sooq inuit qinusarpat?

Qinuneq inuuninni ileqqoraajuk? Inuppassuit, allaat guuteqannginneraasut, tamanna ileqqoraat. Sooq inuit qinusarpat? Frankrigimi isumasiuineq naapertorlugu inuttaasut affaat “iluaallassimaarniaannarlutik” qinusarlutilluunniit eqqarsaatiginneqqissaartarput. Europamiorpassuit assigalugit Guutimut uppernertik pissutiginagu qinusarput. ‘Qinunerup eqqissiallatsitsisarnera’ pissutigiinnarlugu qinusarput. Uppertulli ilaat aatsaat pisariaqartitsileraangamik Guutimut qinusarput naatsorsuutigalugu piumasartik ingerlaannaq piviusunngortinneqassasoq. — Esaja 26:16.

Illimmi? Isumaqarpit qinuneq erseqqissumik eqqarsaatersornissamut taamaallaat atugassaasoq? Guuti upperigukku, qinnutivit sunniutai inuuninni malugisarpigit? Imaluunniit misigisarpit qinnutitit akineqarneq ajortut? Qinnutit iluaallassimaassutissaannartut isiginagit Guutimulli qanillissutissatut naleqangaartutut isiginissaannut Biibili iluaqutigisinnaavat.