Inuit pisuus­suteqaratik toqusut amerlaqaat!

Noel­le niviarsiaraavoq asan­nit­toq titar­taanermik nuan­narisalik. Aasami un­nuk­kut ilaqut­tami naatsiivianiitil­luni susimanerami nalut­tarfim­mut nak­karsimavoq. Sisamaliinis­saminut sapaatit-akun­neri marluin­nan­ngor­tul­lu ipil­luni ajunaar­poq.

2012-imi decembarip 14-ian­ni Con­necticutimi, USA-miit­tumi, inuit 26-t aal­laatil­lutik toqutaap­put. Taak­kua ilagaat meeq­qat 20-t arfinil­lit arfineq-marlul­lu akor­nan­ni ukiul­lit ukuusut: Charlot­te, Daniel, Olivia, Josephine ... Eq­qaaniaanermi præsidentip Obamap meeq­qat atii tamaasa atuareerlugit tusar­naar­tini aliasut­tut ima oqarfigai: “Alianar­tut tamak­ku atuuk­kun­naar­tariaqar­put.”

1996-imi Bano ilaqut­tanilu Irakimiit Norgemut nuup­put. Ajoraluar­tumik Bano 18-inik ukiulik 2011-mi juulip 22-an­ni inun­nut 77-inut ingasaas­siniar­tumit toqun­neqar­tunut ilaavoq, toqutsisorlu kingusin­nerusuk­kut makital­luni ima oqar­poq: “Ajoqaaq ... amerlanerusunik toqutsin­ngin­nama.”