Ukioq 2023 isumalluarfigisin­naavarput? – Biibilimi qanoq allassimasoqarpa?

Ukiumi nutaami 2023-mi ilaquttagut ajunngin­nerpaamik kissaappagut, namminerlu ingerlal­luarusulluta. Isumalluar­tuunissatsinnut pissutis­saqarpugut?

Biibili neriuutis­saqartitsivoq

Biibilimi allassimavoq maanna ajornar­torsiutigut qanittukkut aaqqinneqarumaartut. Biibilimi allassimasut “ilinniarfiginias­sagatsigit allanneqarsimapput. Allakkat Illernartut iluaqutigalugit … neriuuteqarpugut”. – Romamiut 15:4.

• Neriorsuutit Biibilimeersut paasisaqarfiginerorusukkukkit allaaserisaq “Et realistisk håb om en bedre fremtid” atuaruk.

Neriuut maanna iluaqutigisinnaavat

Neriuut Biibilimeersoq “inuunitsinnut kitsatut” issinnaavoq. (Hebræerit 6:19, quppernerup ataani ilanngussaq) Neriuut tamanna toqqissisimas­sutigisin­naavarput. Tamanna iluaqutigalugu ajornar­torsiutigut naammagalugit atorsin­naavagut, isumalluar­tuusinnaavugut pilluarsin­naallutalu. Assersuuteqariarta:

• Angutip pinngitsuuisin­naajunnaarsimasup neriuut Biibilimeersoq qanoq iluaqutigisimaneraa paasiniaruk. Video Inuunera qatsutiivikkakku takuuk.

• Asasamik toqusoorsimasut neriuut Biibilimeersoq qanoq tuppallersaatigisin­naagaat paasiniaruk. Video Aliasuttut tuppallersaatigisin­naasaat takuuk.

Neriuut nakussatsiguk

Inuppassuit isumalluar­tuuniarsarisarput, naluaalli neriuutitik ilumut piviusun­ngorumaarnersut. Neriorsuutit Biibilimeersut piviusun­ngorumaarput. Sooq tamanna upperisin­naavarput? Jehovap Guutipa “sallusin­naanngitsup” neriorsuutigimmagit. (Tittusi 1:2) Jehovami ‘piumasamisut iliortarlunilu’ kisimi neriorsuutimi eqquutitin­nissaanut pissaaneqarpoq. – Tussiaat 135:5, 6.

Kissaatigaarput neriuut Biibilimeersoq piviusun­ngortussaq iluaqutigissagit. ‘Allakkat Illernartut misissoq­qissaar­tarnerisigut’ neriuut tamanna upperinerulersinnaavat. (Apustilit Suliaat 17:11) Kajumis­saarpatsigit akeqanngitsumik Biibilimik misissueqateqaq­qullutit. Ukioq nutaaq 2023 isumalluarlutit aallartiguk!