Inuit 6 millionit COVID toqqutigaat – Biibilimi qanoq allassimasoqarpa?

Nunarsuaq tamak­kerlugu peq­qin­nis­samik suliniaqatigiif­fik (WHO) naaper­torlugu 2022-mi maajip 23-iata tungaanut inuit 6,27 mil­lionit COVID-19 toq­qutigisimavaat. Nutaarsias­samili 2022-mi maajip tal­limaanni saq­qum­mer­tumi allas­simavoq WHO-p naatsorsuutigigaa COVID-19-imik toq­qutigin­nit­tut amerlanerungaar­tut. Tas­sani allas­simavoq 2020-mi 2021-milu “COVID-19-imik toq­qaan­nar­tumik toq­qaan­nan­ngitsumillu toq­qutigin­nit­tut 14,9 mil­lionit mis­sigisimas­sagaat”. Pisut alianangaar­tut taamaat­tut pil­lugit Biibilimi allas­simasoqarpa?

Nunarsuaq tamakkerlugu nappaalanersuaqarnissaa Biibilimi siulittuutigineqarpoq

• Jiisusip siulit­tuutigaa pif­fis­sami ‘ullunik kingul­ler­nik’ taaneqar­tumi ‘tunil­laas­sor­tunik nap­paateqar­tas­sasoq’. – Timuutiusimut 2. 3:1; Luk­karsi 21:11.

Jiisusip siulit­tuutaa nalitsinni eqquup­poq. Paasisaqar­nerujumal­lutit allaaserisaq una atuaruk: “‘Naggatis­samut’, imaluun­niit ‘ullunut kingul­ler­nut’, suna ilisar­naataava?”

Biibilimi tuppallersaatissaqarpoq

• ‘Guuti sutigut tamatigut tup­pal­lersaasoq misilin­neqar­nitsinni tamani uagutsin­nik tup­pal­lersaasar­poq.’ – Korintimiunut 2. 1:3, 4.

Asasamin­nik toqusoorsimasor­pas­suit Biibilimi tup­pal­lersaatis­sarsisimap­put. Allaaserisat uku atuak­kit: “Aliasun­nerup naam­magalugu ator­nera – Qanoq iliorsin­naasutit” aamma “Aliasut­tunut iluaqutis­saq pitsaaner­paaq”.

Biibilimi ataavartumik aaqqiissutaasussaq allaatigineqarpoq

• “Kun­ngeqarfiit tikiulli. Piumasat qilammi nunarsuarmilu eqquulli.” – Matiusi 6:10.

Qanit­tuk­kut ‘Guutip kun­ngeqarfiata’, tassa naalagaaf­fiata, iliuuseqar­neratigut “innut­taasoq kinaluun­niit oqas­san­ngilaq: ‘Nap­parsimavunga!’” (Mak­korsi 1:14, 15; Esaja 33:24) Naalak­kersuisut qilam­miit­tut taakku qanorlu naam­mas­sisaqas­sasut pil­lugit paasisaqar­nerujumal­lutit isigin­naagas­siaq Guutip kunngeqarfia suua? takuuk.

Biibilimi siun­nersuutitsialaat neriorsuutillu nuan­nersut ilaqut­tatillu iluaqutigisin­naanias­sagas­sigit Biibili pil­lugu paasiniaaq­qul­lusi kajumis­saar­patsigit.