Qiimmaal­lannartunik akissuteqarsin­naanias­sagavit piareersarluartarit

Ataatsimiin­nitsinni qatanngutitta qiimmas­saatigisin­naasaannik akissuteqarsin­naavugut. (Hebr 10:24, 25) Ineriar­tuutaasunik akissuteqar­nissamut qanoq piareersarsin­naavugut?

• Jehovamut qinusarit. Taassumunnga ataqqinaataasumik allanullu qiimmas­saataasumik akisinnaanias­sagavit ikioqqusarit. – Tuss 35:18.

• Allassimasut atuaannaqinagit. Illit upperisat ersersillugu nammineq oqaatsitit atorlugit akigaangavit allanut qiimmas­saataasarpoq.

• Naatsumik akisarit. Akissutit naatsut paasiuminartullu qiimmas­saataanerusarput, taamatullu akigaanni inuit amerlanerusut akinissaminnut periarfis­saqassapput. – Uss 10:19.

• Isornar­torsiutaan­ngitsumik akissuteqartarit. Allanik isornar­torsiuerpaluttumik naqqeerpalut­tumilluunniit akissuteqar­naveersaarit.

Nappaaguit toqqarneqan­ngikkaluarlutil­luunniit allanik qiimmas­saasarsin­naavutit. Tusarnaarluar­taruimmi allat akissutaat pillugit nersualaarsin­naavatit. – Uss 15:23.