Oqaluussinermi pikkorinnerulerit – Pulaaqqiinissamut tunngaviliinikkut

SOOQ PINGAARUTEQARTOQ:

Sallusuissutip naatsiiassartai siaruartikkavut imerterusuppavut. (1 Kor 3:6) Soqutiginnittup naapitatta qimannginnerani tulliani eqqartugassatsinnik apeqqummik eqqaasaqarutta pitsaassaaq. Tamanna qilanaalissutigissavaa, uagullu pulaaqqiinissatsinnut piareersarnerput ajornannginnerulissaaq. Aggeqqikkutta oqarsinnaavugut kingullermik apeqqut eqqaasarput akiniarlugu aggerluta.

QANOQ TAAMAALIORSINNAASUTIT:

• Illumiit illumut oqaluussinermi aallarniutissatsinnik piareersarnermi apeqqut pulaaqqiinermi eqqartugassarput eqqarsaatigereertassavarput. Apeqqut Biibililersaarummi neqeroorutigisatsinni akineqartoq imaluunniit Biibililersaarummi, aggeqqikkuit tunniukkusutanni, atuaqqissaarnermi atorneqartartumi akineqartoq eqqaasinnaavarput.

• Soqutiginnittoq oqaloqatigereerlugu ingerlannginninni oqaloqatigeqqikkusullugu ilisimatissinnaavat apeqqullu eqqarsaatigeriikkat eqqaallugu. Ajornanngippat qanoq attavigeqqissinnaanerlugu aperiuk.

• Piffissami aalajangersimasumi aggeqqinniarlutit oqarsimaguit neriorsuutit eqqortiguk. – Matt 5:37.