Oqaluussinermi pikkorinnerulerit – Quppersagaq Tusagassat nuannersut Guutimeersut! atorlugu matup alloriusaani Biibilimik atuaqqissaaqateqalernikkut
Sooq tamanna pingaaruteqartoq: Ajoqersuganngortitsiortorumalluta Guutip oqaasia pillugu ilinniartitsisariaqarpugut. (Matt 28:19, 20) Biibililersaarutit uagutsinnut tunniunneqarsimasut atorlugit tamatta sallusuissummik sunniuteqarluartumik ilinniartitsisinnaavugut. Quppersagaq Tusagassat nuannersut Guutimeersut! inuit allat sallusuissut pillugu ilinniartikkumallugit saqqummersinneqarsimavoq. Allaat pulaarnermi siullermi matup alloriusaani atuaqqissaaqateqarnissamut atorsinnaavarput.
Qaammammi matumani una misiliguk:
Atuaqqissaaqatitaarusullutit kissaateqarnerit qinnutigiuk. Aamma Biibilimik atuaqqissaaqatitaarusunnerit sallusuissummillu ilinniartitsillaqqinnerulerusunnerit ilungersorlutit Jehovamut qinnutigikkit. – Fil 2:13.
Ilaqutariittut atuaqqissaaqatigiinnermi imaluunniit nammineq atuaqqissaarnermi aallarniutip alanngaarnissaa ilinniaruk. Taava qularatit oqalussinnaavutit matullu alloriusaani Biibilimik atuaqqissaaqatitaarlutit.