Filmi nutaaq Biibilimik atuaqqissaaqateqalerniarnermut atugassaq

Filmi naatsoq Sooq Biibilimik atuaqqissaartariaqarpit?-mik qulequtalik jw.org-ikkut inuppassuarnut anngussimavoq. Inuit soqutiginnittut akeqanngitsumik Biibilimik atuaqqissaaqatigineqartalernissaannut kajumissaarniarlugit filmi suliarineqarsimavoq. Filmi takuneqarsinnaavoq nittartakkap ataatungaani “Biibilimik atuaqqissaartalerit” toorneratigut imaluunniit naqitaaqqat nutaat tunuanniittut QR-kodet assilinerisigut. Filmi qanoq atorluarneqarsinnaasoq sammeriartigu.

• Pulaaqqiinermi ima aperisinnaavutit: “Apeqqutitit Biibilimut tunngasut qanoq akineqarsinnaasut filmimi naatsumi takutilaarsinnaavara?” Takorusuppagu mobilinni imaluunniit pulaakkap qarasaasiaani filmi takutiguk.

• Naqitaaqqat nutaat ilaat torrutiinnarlugu tamanullu oqaluussinermi tunniukkutsigu QR-kode tikkuariarlugu oqaloqatigisarput tamatuminnga assiliinissaanut kajumissaarsinnaavarput. Oqaatsini amerlasuuni QR-kode assilineqaraangat nittartakkatsinni filmi ingerlaannaq nuisarmat oqaluussinermi takutinneqarsinnaavoq.

• Filmi suleqatinnut, atuaqatinnut, ilaquttannut nalunngisannullu allanut oqaluttuaralugulu takutikkumasinnaavat. Aamma filmi namminneq takuniassammassuk e-mailimik nittartakkamut filmimik innersuussissutitalimmik nassissinnaavatit.

Filmimik nutaamik atorluaanikkut imaassinnaavoq Biibilimik atuaqqissaaqateqalertugut taamaalillutalu inuit “eqqortumik isiginnittaaseqarnertik pissutigalugu naassaanngitsumik inuulersinnaasut” anersaakkut ikiorlugit. — ApS 13:48.