Anersaakkut nerisarnerit qanoq ippa?
1 Oqartoqartarpoq ‘nerisavut ilisarnaatigaavut’. Aap, nerisartakkavut timitta qanoq inneranut peqqinnissatsinnullu aalajangiisuupput. Anersaakkut nerisartakkatta pingaaruteqangaassusianik ersersitsisumik Jiisusi oqarpoq: „Inuup timiusaannaq inuussutissarinngilaa, oqaaserli sunaluunniit Guutip qarnanit anisoq“ (Matt. 4:4) Taamaattumik imminut aperigit anersaakkut qanoq nerisarnerlutit. Narrutuujuit? Sukkavallaamik nerisarpit? Imaluunniit piffissaqarluarlutit aalajangersimasumik allanngorartunik inuussutissaqarluartunillu anersaakkut nerineq nuannaarutigisarpiuk?
2 Suut nerinerlugit eqqarsaatigikkit: Jehovap „kiffaq ilumoortoq silatoorlu“ aqqutigalugu „nerisassat patermik orsuarnequtillit“ „piffissaq eqqorlugu“ isumagisimavai. (Matt. 24:45; Esaja 25:6) Asannittumik tunissutai iluaqutigilluarumallugit anersaakkut nerilluartariaqarpugut.
3 Imminut aperisinnaavutit: ‘Ullormut eqqarsaatigisassat ullut tamaasa atuartarpakka? Ullut tamaasa Biibilimik atuarnissannut eqqarsaatigeqqissaarnissaanullu piffissaqarluartarpunga? Sammineqartussaq atuarlugu ataatsimiinnissamut piareersartarpunga? Atuagassiat kingulliit atuareerpakka, ilaatigut Esajas’ profeti — et lys for alle mennesker 1, 2-lu?
4 Jiisusi oqarpoq: „Pilluarput anersaakkut piitsut . . . Pilluarput iluarnermut kaattut imerusuttullu, taakkumi qaarsillartinneqassapput“ (Matt. 5:3, 6) Anersaakkut nerilluartarit, isummat uummatillu Guutimik ilisarsinermik ulikkaaqqullugit.