Pulaaqqiinikkut pingaartitsinermik ineriartortitsigit
1 Pulaaqqiinerit piareersagaalluartut pulaakkap upperneranik nakussatsitsisarput. Soqutiginninnermik nittaasimasut pulaaraanni siunnersuutit atoriaannaat suut malinneqarsinnaappat?
2 Piareersarneq pulaarnermi siullermi aallartittarpoq. Qanoq ililluni? Allattueqqissaarnikkut. Pulaakkap aqqa, suna eqqartorsimanerlugu, qanoq qisuariarsimanersoq atuagassianillu pisimappat suut pisimanerai allatukkit. Allattukkatit misissukkit, qinunikkullu qanoq oqarsinnaanerlutit eqqarsaatigiuk.
3 Pulaaqqiinermi qanoq oqartoqarsinnaava? Kingullermik eqqartukkap nanginnissaa apeqqutillu apeqqutigineqarsimasup akineqarnera atuakkami pisimasaani nassaarineqarsinnaanera takutissallugu pingaartorujussuuvoq. Pulaarnermi siullermi siunnersuut ilanngutassiami qulaaniittumi immikkoortumi 3-mi allassimasoq malissimagukku, immaqa siunnersuut una atorsinnaavat:
Inussiarnersumik ilasseriarlugu oqarsinnaavutit:
◼ „Kingullermik oqaloqatigiikkatta, sooq utoqqalisarnersugut toqusarnersugullu eqqartorparput. Oqaloqatigiinnerput eqqarsaatigisimavara soorlu taamaannersoq nassuiaassilaartumik allassimaffimmik nassaarsimallunga. [Rûmamiut 5:12 atuaruk.] Eqqarsaat taanna qanoq isumaqarfigaajuk? [Pulaakkat oqaaseqartiguk.] Naluara malugisimanerit, atuakkami pisanni versimut tassunga soqutiginartumik nassuiaateqarmat. [Aperiuk nammineq atuakkani aasinnaaneraa. Imaluunniit illit nammineq atuakkanni qupperneq 35 qupperuk. Immikkoortoq 3 atuaruk oqaloqatigiissutigalusiullu.] Kisiannili apeqqutit imminnik takkussulersarput; ilaallu immikkortumi 4 uani taaneqarput. [Atuarneqassaaq.] Akissutai kapitalimi tulliuttumi eqqartorneqarput, immaqa tullianik aggeruma eqqartorsinnaavavut?“
4 Pulaarnermi siullermi siunnersuutip aappaa ilanngutassiami qulaaniittumi immikkoortoq 4-miittoq atorsimagukku, siunnersuut una immaqa atorneqarsinnaavoq:
Naleqquttumik ilassinneriarlutit oqarsinnaavutit:
◼ „Kingullermik eqqartorsimavarput toqumik isiginneriaaserput inuunitsinnut maannakkut sunniuteqartorujussuaq. Oqaloqatigiinnerput eqqarsaatigisimaqaara allassimaffimmillu nassaarsimavunga takutissallugu qilanaarisimasannik. [sarĸúmersitat 21:3, 4 qupperuk atuarlugulu.] Imaassinnaavoq isumaqartutit upperissallugu ingasappallaartoq, eqqarsaatikkali malilaarsinnaagukkit, allasimaffik eqquuppat nunarsuarmi pissutsit qanoq issagaluarpat? [Pulaakkat tusarnaaqqissaaruk.] Atuakkami kingullermik pisanni allassimaffimmut innersuussuteqarpoq. Qupperneq 133-miippoq. Nassuiarnera tusariassagit. [Immikkoortut 1 aamma 2 atuakkit eqqartukkilluunniit.] Pissutsit taamaattut tamatta piumannginnerpavut? [Pulaakkat akissuteqatiguk, isumaqatigisinnaagukkulu isumatigiinnermik nittaaffigiuk.] Apeqqutaavoq takorluuinerinnaanersoq. Tullissaanut kapitali atuarsinnaagukku, piviusorpalaarnersoq piviusorpalaannginnersorluunniit immaqa eqqartorsinnaavarput. [Aggeqqinnissannut isumaqatigiigitsi.]
5 Mianersoqqussut. Pulaaqqiinermi qanoq aperinissat mianersuutigiuk. Apeqqutit uku: „Kingullermik tunniussakka atuarpigit?“, „Eqqaamavinga?“ aamma „Kingullermik eqqartukkavut eqqaamavigit?“ pulaakkannik peqqusiileqilersitsilersinnaapput. Apeqqutit taamaattut kingunerissaarneq ajorput. Inussiarnersuugit, allannguisinnaassuseqarit naatsukullaliortarillu.
6 Soqutiginnittut pingaartitsinissaannik ikiorniaraanni periaatsit taakku allallu atorneqarsinnaapput. Soormi sapaatip akunneranut pulaaqqiineq ataaseq anguniagarigukku? Siunnersuutit atoriaannaat qulaaniittut atortakkit, oqaluussisartullu misilittagaqarnerusut ikiortiserikkit. Nuannaarnerit allissaaq soqutiginninneq pulaaqqiinikkut malittarigukku.
Atuakkamik atuaqqissaarnermik aqutsisunut Siunnersuutit qulaaniittut katersuunnerni sapaaatip akunnerani januaarip 17.-ianiit 24.-annut eqqartorneqartassapput. (km 93/12 Opbyg værdsættelse . . .)