Naqitaaqqat sooq taama naleqartigisut
1 Vagttårnet-imi 1. januaar 1991-imi saqqummersumi, qupperneq 30-mi, misigisaq „Naqitaaqqamik nassaartoq“-mik qulequtalik atuarneqarsinnaavoq. Qimuttuitsunut aqqusiortut ittuata illernit ataanni naqitaaraatitsinnik nassaarneranik oqaluttuaavoq. Ingerlaannaq atuarsimavaa, ningaaminullu oqarluni: „Sallusuissut ullumikkut nassaaraaraa!“ Angutit taakku marluk atuagassianik qinnuteqarput. Ullumikkut qanigisaat hundredet sinnerlugit sallusuissummik sullissisuupput. Tamatuma naqitaaqqamik ataasiinnarmik atuarnerup qanoq kinguneqarsinnaanera takutippaa.
2 Periarfissatit atorluakkit: Sumi tamaani qatanngutit naqitaaqqanik siaruarterinermut periarfissatik atorluartarpaat. Oqaluussisartup inuusuttup ilinniartitsisumi sakimi toqunera pissutigalu aliasunnera malugisimavaa. Ilinniartitsisuni tuppallernartunik allaffigaa naqitaararlu Asasatsinnut toqungasunut sumik neriuutissaqarpa? ilanngullugu. Ilinniartitsisoq qujassummik allappoq ilinniartitanilu oqaluullugu. Maannakkullu atuagassianik aalajangersimasumik pisarpoq.
3 Oqaluussisartualuit aqqusinermi iliveqarfimmut atasumiitillutik, ilivernik qalipaasut takusimavaat. Naqitaaqqanik neqeroorfigaat. Ullup tullia nalliuttuuvoq amerlasuullu ulloq taanna iliveqarfiliakaasarput, oqaluussisartullu aalajangersimapput isaariaanut pillutik naqitaaqqanik neqeroorutiginninniarlutik. 500-t sinnerlugit agguaassimavaat, saaffigisaannillu pingasuinnaat piumasimanngillat. Ukiup tulliani oqaluussisartut taamaalioqqissimapput, tamatumuunalu naqitaaqqat 1000-it sinnerlugit agguaassimallugit, arfiniliinnaallu piumasimanngillat. Arlallit naqitaaqqamik pingaartitsinerminnik nittaasimapput. Angut ingerlaqqinnermini naqitaaqqamik atuaasimasoq, kingunitsianngua qatanngummut tunisisimasumut utersimavoq oqarlunilu: „Ilisarisimasannut una atuartikkusukkakku. Peqqissinnaavunga?“
4 Naqitaaqqat anginngitsuugamik sumulluunniit nassarneqarsinnaapput. Ilisarisimasavut allalluunniit oqaloqatigigaangatsigik, arlaannik naqitaaqqat arfineq-pingasuusut ilaanni eqqartorneqartumik eqqaasaqarnissarput eqqumaffigisariaqarparput. Sanilivut oqaluutsillugit, niiverniartilluta, arlaannik utaqqisaqartilluta, eqqarlitsinnulluunnit pulaartilluta taamaaliorsinnavugut.
5 Sooq taama sunniisinnaatigisut: Naqitaaqqat kusanartunik assiliartaqarput. Atuaruminartuupput. Pulaakkatsinnut oqaloqatigisatsinnulluunniit annertorpasippallaanngillat, inuillu annertuumik atuarnissaminnut pinngitsaalisaasutut misigineq ajorput. Naqitaaqqalli pissanganartunik qaammarsaasunillu imaqarput. Atuartumut imarisai Biibilimik tunngaveqarluartumik pissarsititsipput.
6 Periarfissakkut tulluartutigut tamatigut naqitaaqqat atortigik. Oqaluussisartut amerlasuut misigisimavaat illumit illumut angaalaarnerminni aallarniutigissallugit pitsaasuusut. Atuaqqissaaqateqartarnerit amerlasuut naqitaaqqat atorlugit aallartissimapput. Aap, naqitaaqqat mikisuupput kiffartornitsinnili sakkuupput naleqarluartut. (kmD 6/93 Hvorfor traktaterne er så værdifulde)