Ataataq, Erneq aamma anersaaq illernartoq pillugit ilumoortoq

ATAASIUL­LUNILU pingasuusoq pil­lugu ajoqersuum­mik up­perin­nit­tut oqar­tar­put Guuti tas­saasoq kinaas­susil­lit pingasut – Ataataq, Er­neq aam­ma anersaaq il­ler­nar­toq. Taak­ku pingasut naligiin­nerar­neqar­tar­put – ajugaqan­ngis­sutsik­kut piujuaan­nar­tuunik­kul­lu. Ajoqersuutigineqar­poq Ataataq Guutiusoq, Er­neq Guutiusoq aam­ma anersaaq il­ler­nar­toq Guutiusoq, taamaat­toq ataasiin­narmik Guuteqar­toq.

Ataasiul­lunilu pingasuusoq pil­lugu ajoqersuum­mik up­perin­nit­tor­pas­suit ajoqersuut taan­na nas­suiarsin­naan­ngik­kaluarlugu im­maqa Biibilimi ajoqersuutigineqar­nerar­paat. Maluginiar­nar­poq oqariar­taatsip ‘ataasiul­lunilu pingasuusup’ Biibilimi ator­neqan­ngil­luin­nar­nera. Kisian­ni ataasiul­lunilu pingasuus­suseq Biibilimi eq­qaaneqar­pa? Apeq­qut taman­na akisin­naajumal­lugu ataasiul­lunilu pingasuus­susermik ajoqersuut up­per­narsar­niarlugu al­las­simaf­fik is­suar­neqarajut­toq misis­soriar­tigu.

‘OQAASEQ GUUTIUVOQ’

Johan­nesip iivangkiiliua 1:1-imi ima al­las­simavoq: “Pileq­qaar­neran­ni ip­poq Oqaaseq, Oqaaserlu Guutimiip­poq, Oqaaserlu Guutiuvoq.” Versit tul­liisa ilaan­ni apustilip Johan­nesip ersersip­paa “Oqaaseq” tas­saasoq Jiisusi. (Johan­nesi 1:14) Uanili “Oqaaseq” Guutiunerar­neqarmat isum­mer­toqar­poq Er­neq Ataatarlu tamarmik im­mik­kut tas­saasimas­sasut Guutip ataasiusup ilaa.

Johan­nesip iivangkiiliua Biibilip ilaanut grækerisut al­lan­neqaq­qaar­tunut ilaavoq. Kingusin­nerusuk­kut al­lak­kat grækerisuut oqaatsinut al­lanut nutser­neqar­put. Biibilimil­li nutserisut arlal­lit versip tamatuma naanera al­latut nutser­paat. Sooq? Grækerit oqaasiinik Biibilimi ator­neqar­tunik ilisiman­nin­ner­tik tun­ngavigalugu isum­mer­put oqaaseqatigiit taak­ku al­latut nutser­neqar­tus­saasut. Taavami qanoq nutser­paat? Ilaatigut ima: “Logos [Oqaaseq] Guutisut ip­poq.” (A New Translation of the Bible) “Oqaaseq guutiuvoq.” (The New Testament in an Improved Version) “Oqaaseq Guutimiip­poq taas­sumatul­lu pis­suseqarluni.” (The Translator’s New Testament) Nutsik­kat taak­ku naaper­torlugit Oqaaseq tas­saan­ngilaq Guuti Ajugaqan­ngitsoq.a Jehoval­li pin­ngor­titaani Oqaaseq qaf­fasis­sumik inis­sisimaf­feqar­nini pis­sutigalugu ‘guutisut’ (‘g’ mikisoq) eq­qar­tor­neqar­poq. Taaguut ‘guuti’ uani isumaqar­poq “pis­sarsuaq”. Taamatut­taaq inuit naam­mal­luin­nan­ngitsut al­laal­lu Saatani Biibilimi ‘guutisut’ eq­qar­tor­neqar­put. – Tus­siaat 82:1-6; Johan­nesi 10:34, 35; 2 Korinthimiut 4:4.

AMERLANERUSUNIK PAASISSUTISSARSIORIT

Inuit amerlanersaasa grækerit oqaasii Biibilimi ator­neqar­tut naluaat. Taavami qanoq paasineqarsin­naava apustili Johan­nesi qanoq isumaqavin­nersoq? As­sersuuteqariar­ta: Ilin­niar­titsisup atuar­titani arlaan­nik nas­suiaap­pai. Nas­suiaareermat atuar­tut isumaqatigiin­ngis­sutigaat nas­suiaat qanoq paasisariaqar­nersoq. Qanoq ilius­sap­pat? Ilin­niar­titsisoq paasis­sutis­siineroq­qul­lugu qin­nuigisin­naavaat. Qularutis­saan­ngilaq paasis­sutis­sat amerlanerusut iluaqutigalugit pineqar­tumik paasin­nin­nerusin­naasut. Taamatut­taaq Johan­nesip iivangkiiliua 1:1 eq­qor­tumik paasiumal­lugu Johan­nesip iivangkiiliua qup­persin­naavat Jiisusip inis­sisimaf­fia pil­lugu paasisaqar­nerujumal­lutit. Paasisaqar­neruguit eq­qor­tumik isum­mersin­naavutit.

As­sersuutigalugu malugiuk Johan­nesi nangil­luni kapitali 1, versi 18-imi qanoq al­lat­toq: “Kial­luun­niit Guuti [Ajugaqan­ngitsoq] takusiman­ngisaan­nar­paa.” Inuil­li Jiisusi, Er­neq, takunikuuaat, Johan­nesimi ima al­lap­poq: ‘Oqaaseq [Jiisusi] uinin­ngor­poq akor­natsin­nilu inis­sil­luni; takuar­pul­lu naalan­nas­susia.’ (Johan­nesi 1:14) Taavami Er­neq qanoq tas­saasin­naava Guutip Ajugaqan­ngitsup ilaa? Johan­nesi aam­ma al­lap­poq Oqaaseq ‘Guutimiittoq’. Kinali kinaassusilimmiissinnaava kinaas­susilik taannaajutigaluni? Aam­mami, soorlu Johan­nesip iivangkiiliua 17:3-mi erser­toq, Jiisusip Ataatani qilam­miusoq erseq­qis­sumik im­minit im­mik­koor­tip­paa. Ataatani “ilumut kisimi Guutiusumik” taavaa. Johan­nesi iivangkiiliumi naggataatungaani eqik­kaal­luni ima al­lap­poq: ‘Mak­ku al­lat­tor­neqarsimap­put ilis­sin­nut up­pereq­qul­lugu Jiisusi Kristusiusoq, Guutip er­nera.’ (Johan­nesi 20:31) Malugiuk Jiisusi Guutimik taaneqar­nani Guutip er­neranik taaneqar­toq. Johan­nesip iivangkiiliuani paasis­sutis­sanit amerlanerusunit tamak­kunan­nga erser­poq Johan­nesip iivangkiiliua 1:1 qanoq paasisariaqar­nersoq. Jiisusi, Oqaaseq, tas­saavoq ‘guutit ilaat’ ima paasil­lugu qaf­fasis­sumik inis­sisimaf­feqar­tuusoq, tas­saananili Guuti Ajugaqan­ngitsoq.

PAASISSUTISSAT ILUMOORNERAT QULAKKEERUK

Ilin­niar­titsisumik atuar­tunil­lu as­sersuut uterfigeriar­tigu. Takorlooruk ilin­niar­titsisup itisiliil­luni nas­suiaanera tusareeraluarlugu suli nalor­nisoqar­toq. Qanoq iliorsin­naap­pat? Ilin­niar­titsisumut al­lamut paasis­sutis­sarsior­nerusin­naap­put. Ilin­niar­titsisup taas­suma ilin­niar­titsisup siul­liup nas­suiaataa up­per­narsar­pagu, atuar­tut amerlanerit nalor­niun­naas­sagunar­put. Taamatut­taaq Jiisusip inis­sisimaf­fia Guutip Ajugaqan­ngitsup inis­sisimaf­fianut naleq­qiul­lugu qanoq in­nersoq pil­lugu Biibilimik al­laqataasoq Johan­nesi qanor­piaq oqar­nersoq nalor­niguk­ku, Biibilimik al­lat­toq al­la paasis­sutis­sarsiorfigisin­naavat. As­sersuutigalugu Mat­thæusi qanoq al­lat­toq eq­qarsaatigiuk. Silarsuup naggatis­saa pil­lugu Jiisusi ima oqar­nerar­paa: ‘Ul­loq taan­na nalunaaqut­tap-akun­neraluun­niit kimil­luun­niit ilisimaneqan­ngil­lat, in­ngilil­luun­niit qilan­niit­tut Er­nerul­luun­niit ilisiman­ngilaat, Ataatal­li kisimi.’ (Mat­thæusi 24:36) Oqaatsit taak­kua qanoq up­per­narsar­paat Jiisusi tas­saan­ngitsoq Guuti Ajugaqan­ngitsoq?

Jiisusi oqar­poq Ataataq Er­nermit ilisimasaqar­nerusoq. Jiisusili tas­saagaluaruni Guutip Ajugaqan­ngitsup ilaa, Ataatami ilisimasaanik ilisimasaqas­sagaluar­poq. Tas­sa Er­neq Ataatarlu tas­saasin­naan­ngil­lat naligiit. Imali oqar­toqarumas­saaq: ‘Jiisusi inut­tut nunarsuarmiitil­luni taama oqar­poq.’ Taavami anersaaq il­ler­nar­toq? Taan­na Ataatarlu tas­saap­pata Guutimut ataasiul­lunilu pingasuusumut ilaasut, taava sooq Jiisusi oqan­ngila taan­na Ataatap ilisimasaanik ilisimasaqar­toq?

Biibilimik atuaq­qis­saar­tar­til­lutit al­las­simaf­fiit tamatumun­nga at­tuumas­suteqar­tut amerlanerusut siumor­tas­savatit. Taak­ku Ataataq, Er­neq anersaarlu il­ler­nar­toq pil­lugit ilumoor­tumut up­per­narsaataap­put. – Tus­siaat 90:2; Apustilit Suliaat 7:55; Kolos­semiut 1:15.