Harmagedonni Israelimi aallartissava? – Biibilimi qanoq allassimasoqarpa?

Biibili naapertorlugu Harmagedonni tassaavoq nunarsuarmi naalagaaffiit tamarmik Guutillu akunnerminni sorsuun­nissaat, tassaananilu sumiiffimmi aalajangersimasumi akerleriinnissaq.

• “Oqaatsit anersaapilunnit isumassarsiarititaasut … nunarsuarmi tamarmi kunngit ornippaat Guutip Killeqan­ngitsumik Pissaanillip ullussarsuani sorsunnissamut katersorumallugit. … Sumiiffimmullu hebræerisut Harmagedonnimik taaneqar­tartumut katersorpaat.” – Saqqummersitat 16:14, 16.

Oqaaseq “Harmagedonni” hebræerit oqaasiannit Har Meghiddohnʹ-imit aallaaveqarpoq, isumaqarporlu “Megiddop Qaqqaa”. Megiddo itsaq Israelimi illoqarfiunikuuvoq. Taamaattumik inuit ilaasa upperaat Harmagedonni Israelimi piumaartoq. Megiddoli Kangia-Qiterlermiit­torluunniit sumiiffik alla ‘nunarsuarmi tamarmi kunnginut’ taakkualu sakkutuuinut katersuuf­figissallugu mikival­laarpoq.

Biibilimi atuagaq Saqqummersitat “assersuutit atorlugit” allanneqarpoq. (Saqqummersitat 1:1) Harmagedonni tassaanngilaq sumiiffik aalajangersimasoq, tassaavorli nunarsuaq tamakkerlugu pisussaq – inuiaat Guutip naalakkersuineranut akerliullutik naggataarutaasumik katersuun­nissaat. – Saqqummersitat 19:11-16, 19-21.