Maanaanitut Jehovamut kiffartornerit salliutiguk

Kristumiut siulliit nalaanni Maanaani Antiokiami ilagiinni qatanngutit angutit siuttut ilagaat. ‘Nunap immikkoortuani naalakkersuisup Herodasip ilinniaqatigisimavaa.’ (ApS 13:1) Tassa Maanaani ilinniarluarsimasuuvoq immaqalu ilaqutariinni pigissaartuni peroriar­torsimalluni.

Taamatut tunuliaqutaqaraluarluni aalajangerpoq kristumiun­ngorniarluni ilagiinnillu isumassuiniarluni. Ilinniagaris­saartuunini nuimasunillu ilisarisimasaqarnini imminut qaffassaatiginngilai. Ilungersorluni uppeqatiminut ikiuukkusuppoq.

Maanaanip maligas­siaanit takutin­neqarpoq tusaamasaarusunneq pisoorsuan­ngorusunnerlu salliutinnagit Jehovamut kiffartorneq pingaar­nerusoq. (Mat 6:33) Ilinniagaqarnermik pingaar­titsigaluarluta ‘suut pingaar­nerpaanersut qulakkeer­niartarpagut’ Jehovamut kiffartor­nitsinni allamut saasarneqarusun­nginnatta. – Flp 1:9, 10.