Obadjatut Guutimik mianerin­nittuugit

Akabi kunngiutillugu Obadja kunngik­kormiuni qullersaavoq. Akabi kunngiuvoq ajortoq, Israalimimi Baalisiorneq siuarsarpaa. Obadjalli “inuusun­nerminiit” Jehova mianeraa, tassa Jehovap iluarin­ngisaanik iliorusun­ngilluinnarpoq. (Kng 1. 18:1-13) Taamaattumik dronningi Jeezabeeli Jehovap pruffiitiisa tamarmik toqutaanis­saannik peqqusimmat Obadja sapiilluni taakku ikiorniarlugit iliuuseqarpoq. Pruffiitip ataasiinnap isertornissaa navianartuuvoq, Obadjalli pruffiitit 100-t isertorpai kaannersuaqar­tillugulu nerisas­saannik isumagalugit! Takorlooriaruk tamanna qanoq sapernar­tigisimassasoq, tassami pruffiitinit guutipilus­siortunit hundredilinnit kunngimut dronningimullu kiffartortunit paasineqariaannaavoq. – Kng 1. 18:19.

Obadja qanoq ilinniarfigisin­naavarput? Obadjap Akabi siooragigaluarlugu Guutimik mianerin­ninnini sapiissuseqalis­sutigaa. Inuuninilu navianar­torsior­tillugu uppeqatini illersorpai. Uagut aamma Guutimik mianerinninneq ineriar­tortissavarput. Tamanna ingammik pisariaqarpoq nunagisatsinni guutisiornerput inerteq­qutaappat. Guutimik mianerin­nittuugutta uppeqatitta ajornar­torsiortut ikiornis­saannut tunuarsimaas­sanngilagut.