Eqqaamavigit?

Napasuliaq Alapernaarsuiffimmi allaaserisat 2025-mi saqqummersin­neqartut atuaqqis­saarpigit? Apeqqutit tulliuttut akisinnaavigit?

Sooq Jehova unnersiutigis­savarput?

Jehova mianerigatsigu asangaaratsigulu taamaalior­tarpugut. Aamma taanna pillugu ilumoortoq inunnut oqaluus­sissutigerusuk­katsigu unnersiutigaarput. – w25.01, qupp. 3.

Ajuallatsin­neqarsimagutta suut isumakkeerfigin­nikkumanitsinnut iluaqutigisin­naavagut?

Misigis­sutsigut sumigin­nassanngilagut. Kamakkun­naarlutalu narrutsas­simajun­naarutta misigissutsit nuanniitsut inuunitsinnut sunniutipiloqar­nissaat pinaveersaar­tissavarput. – w25.02, qupp. 15-16.

Sooq Makkorsi qatanngutinut angutinut inuusuttunut maligas­saalluarpa?

Makkorsi Jehovamut kiffartornermi suliassin­neqarami akuersivoq. Pisimasoq pillugu ajuallallunilu pakatsisimagunaraluarluni tamanna unissutiginngilaa. Paulusi qatanngutillu anersaakkut inersimal­luartut allat attavigiuartarpai. – w25.04, qupp. 27.

Jiisusi ima qinugami qanoq isumaqarpa: “Atit taakkununnga ilisimaneqalersippara”? (Joh 17:26)

Ilinniartitat Guutip aqqa ilisimareerpaat. Jiisusilli ilinniartippai Jehovap qanoq ittuuneranik, inunnut qanoq kissaateqar­neranik, susimaneranik, sunissaanik qanorlu pissuseqar­neranik. – w25.05, qupp. 20-21.

Maniguulluta suna eqqaamas­savarput?

Ilisimasatta killeqarnerat eqqaamas­savarput. Assersuutigalugu naluarput naggatissaq qaqugu nalliutis­sanersoq, Jehova qanorpiaq iliussanersoq inuunerpullu aqagu qanoq issanersoq. Aamma Jehovap uagutsinnik ilisarisiman­nilluin­narnera paasisin­naanngilarput. – w25.06, qupp. 15-18.

Allaaserisaq tamanul­luunniit oqalugiaat qanoq iluaqutigisin­naavarput?

Uku eqqarsaatigisarsin­naavatit: ‘Uppernarsaatit suut atorlugit tunngavilersuisoqarpa? Ilinniar­titsininni atorluarsin­naasannik sunniuteqarluartumik assersuusiaqarpa? Kikkummita sammisaq taanna soqutigisin­naavaat?’ – w25.07, qupp. 19.

Daavimik oqaluttuaq Jehovap isumakkeerfigin­nittarnera pillugu qanoq ilinniarfigaarput?

Daavi ataasiaannarani ingasattumik ajortuliorsimavoq. Qamanngali pisumik peqqissimisarami Jehovamit isumakkeerfigineqartarpoq. (Kng 1. 9:4, 5) Jehovap isumakkeerfigigaangamisigut ajortuliagut eqqaaqqit­tanngilai kingusin­nerusuk­kulluunniit tamakku pillugit pillartarnata. – w25.08, qupp. 17.

Biibilimik ilinniar­titavit sammisassi ilaat paasiuminaatsippagu susinnaavit?

Biibili tunngavigalugu ilinniar­titsilluaraluartutit suli paasiuminaatsippagu akueriuminaatsip­paguluunniit unitsik­kallarlugu sammisaq taanna kingusin­nerusukkut uterfigisin­naavarsi. – w25.09, qupp. 24.

‘Ajortip tammartitsinissamut pissaaneqarnera’ qanoq isumaqarpa? (Hebr 3:13)

Ajortiliugatta eqqunngitsulioq­qajaasarpugut Jehovallu uagutsinnik asanninnera qularilersin­naallugu. – w25.10, qupp. 16.

Qinnutigut qanoq pitsanngorsarsin­naavagut?

(1) Jehovap kinaassusia eqqarsaatigisin­naavarput. (2) Massakkorpiaq qanoq ajornar­torsiuteqar­nerluta, soorlu isumakkeerfigisas­saqarnerluta, eqqarsaatigisin­naavarput. (3) Qinunermut piffissaqarluarsin­naavugut. Taamaaliorutta qanorpiaq misiginerluta ammasumik Jehovamut oqalunnissarput ilimanar­nerussaaq. – w25.10, qupp. 19-20.

Utoqqaat qanoq ikiorsin­naavagut?

Qatanngutit utoqqaat pulaartarlugillu sianerfigisarsin­naavagut, nakorsiaraangata ilagisarsin­naavagut oqaluus­seriaatsillu assigiin­ngitsut atorlugit oqaluus­seqatigisin­naavagut. – w25.11, qupp. 6-7.

Katittorsiorneq Jehovamut ataqqinaataaniassammat qanoq iliortoqassava?

Inatsisit atuuttut maleruarsigit. Katittorsiornermi Guutip anersaavata inerititai ersersin­neqarnias­sammata iliuuseqaritsi. Isornaatsunik atisaqaritsi, ileqqullu najoqqutassianut Biibilimeersunut naapertuutin­ngitsut atornaveersaarsigit. Pilersaarusior­nissinni oqaloqatigiil­luartaritsi. – w25.12, qupp. 21-24.