Allassimaffiit qanoq eqqaamasin­naaneritit

Allassimaffik nuannarinerpaasavit ilaat sumi allassimanersoq eqqaamas­sallugu imaluunniit alanngaarnissaa sapernar­tittarpiuk? Tassaasinnaavoq allassimaffik tuppallersaataasoq, eqqunngitsunik eqqarsaateqarun­naarnissannut iluaqutaasoq imaluunniit allanut takutik­kusutat. (Tuss 119:11, 111) Aajuku siunnersuutit iluaqutigisin­naasatit:

• App-eq JW Library^® atoruk. JW Library-mi Biibilimik atuarninni allassimaffik eqqaamarusutat nalunaaqutserukku naniuminar­tissinnaavat. Qanoq taamaaliorsin­naanersutit paasiumallugu jw.org-imi video Hvad organisationen udretter – Tips til at bruge JW Library takuuk.

• Allassimaffik eqqaamarusutat allaguk takusin­naasannullu nivinngarlugu. Assersuutigalugu ilaat nillataar­titsiviup matuanut imaluunniit tarrarsuummut nivinngaasarput. Allat allassimaffik assileriarlugu mobiilimi qarasaasiamiluunniit saqqaaniitsit­tarpaat.

• Allagar­taaqqat eqqaamajuminarsaatit atukkit. Illuatungaani allassimaffimmik innersuussut allaguk illuatungaanilu allassimaffimmi oqaatsit issuakkat allallugit. Taava innersuussut takullugu qanoq allassimasoqarnersoq eqqaamaniarsariuk, mumillugulu allassimaffik atuaruk sumilu allassimanersoq eqqaamaniarlugu.