Uummatit piareersaruk

Biibilimik misissuigaangatta Jehova pillugu ilikkakkagut uummatikkut killinneqaatigerusut­tarpagut. Ezra ilinniarfigisin­naavarput, taassumami Jehovap inatsisai paasilluar­niarlugit uummatini piareersarpaa. (Ezra 7:10) Ezratut qanoq iliorsin­naavugut?

Qinugit. Atuaqqis­saannginninni tamatigut Jehovamut qinusarit. Atuakkatit paaseqqullugit ilikkak­katillu maleruarsin­naaqqullugit Jehovamut ikioqqusarit. – Tuss 119:18, 34.

Maniguuttuugit. Guutip ilumoortoq inunnut silatusorisunut isertortarpaa. (Luk 10:21) Misissuinitsinni allanit kakkagitin­nissarput siunertarin­ngisaan­narparput. Paasigaangakku aaqqitas­saqarlutit maniguullutit Jehovap eqqarsar­taasianut naapertuuttumik allannguisarit.

Erinarsuutitta ilaat tusarnaaruk. Nipilersorneq misigis­sutsitsigut killinneqaatigisin­naavarput. Taamaattumik Biibilimik misissuitinnak erinarsuutitta ilaat tusarnaarukku Jehovap eqqarsaatiginissaanut ilikkak­kavillu uummammiuliun­nissaannut iluaqutigissavat.