Oqaluussinermi angusat

Stockholmimi qallunaatut, Islandimiutut, norskisut svenskisullu ataatsimeersuarnermi 50.456-it najuunnerat 394-illu kuisinnerat nuannerluinnarpoq. Aamma Skandinaviami arabiamiutut, tuluttut, Finlandimiutut, Kroatiamiutut, Polenimiutut Spaniamiutullu ataatsimeersuartoqarpoq. Katillugit 55.388-it ataatsimeersuaqataapput 438-llu kuisillutik. Ataatsimeersuarnermut qaaqqusissutinik agguaanersi pillugu nersualaagassaavusi. Immikkut suliniarnerup nalaani jw.org-ikkut Biibilimik atuaqqissaarumallutik 120-t immersuipput. Biibililersaarutinik tunineqarnissaq pulaarneqarnissarlu pillugit naqitaaqqat immersorneqarsimasut arlallit immikkoortortaqarfimmut nassiunneqarsimapput. Nalunngilarput soqutiginnittorpassuit Stockholmimi ataatsimeersuarnermi najuuttut. Ataaseq ataatsimeersuaqataajumalluni 1500 kilometerit sinnerlugit angalavoq allalu arnaq soqutiginnittoq 89-inik ukiulik ataatsimeersuaqataajumalluni 500 kilometerit sinnerlugit angalalluni. Taamaattumik angalaarfigisartakkat amerlanerit ataatsimeersuarfimmit ungasikkaluartut immikkut suliniarneq angusaqarfiulluarpoq.