Ilinniartitsilluarumalluni piareersartoqartariaqarpoq

Jiisusi minnerpaamik marloriarluni inuuneq naassaanngitsoq pillugu assigiimmik aperineqarami akissutini aperisup pisariaqartitaanut naleqqussarpaa. (Luk 10:25-28; 18:18-20) Taamaattumik Biibilimik atuaqqissaarnermi atorneqartartoq ilisimalluaraluarlugu atuaqqissaaqatigisassarput eqqarsaatigalugu piareersartariaqarparput. Suut paasiuminaatsissavai imaluunniit akueriuminaatsissavai? Allassimaffiit innersuussutigineqartut sorliit atuartariaqassavavut? Immikkoortut qanoq amerlatigisut sammissavavut? Assersuusiaq, nassuiaat imaluunniit apeqqutit atuaqqissaaqatigineqartup paasissutissanik paasinnilluarnissaanut iluaqutaasussat piareersaqqaartariaqarsinnaavavut. Tamatuma saniatigut Jehova sallusuissutip naatsiiassartaanik uummammi naajartortitsisuummat atuaqqissaarnissamut piareersarnitsinnik, atuaqqissaaqatigisassatsinnik taassuminngalu anersaakkut ikiuiniarnitsinnik pilluaqquseqqullugu qinnuigisariaqarparput. – 1 Kor 3:6; Jaak 1:5.