Stockholmimi ataatsimeersuarnissamut eqqaasitsissutit

◼ Ataatsimeersuarfik: Ataatsimeersuarfissap matui nal. 7.30 ammarneqassapput. Tamanna Guutip naalagaaffianut kiffartorneq apriili 2015-imoortumi allassimasunut allannguutaavoq. Stockholmi, ingammik tallimanngornikkut, biilinik angallaffiusarmat aggiaarnissat pilersaarusioreeruk.

◼ Ineqarneq: Ineqarnermut tunngatillugu suli inniminniisimanngikkuit qinnuigissavatsigit piaarnerpaamik nittartagaq sammankomst.org aqqutigalugu inniminneeqqullutit. Inigisassannut inniminniisimanermut uppernarsaatip nassarnissaa eqqaamajuk.

◼ Nerisassat: Ataatsimeersuarfiup eqqaani nerisassanik pisiniarfiusinnaasut ikipput. Amerlasuut piffissaq sivisooq atorlugu ataatsimeersuarfimmukartussaapput 12 tiimillu sinnerlugit najugaqarfimminniittussaanatik. Taamaattumik imermik nerisassanillu naammattunik nassaqqullusi kajumissaarpatsigit.

◼ Atisalersoriaaseq: Ataatsimeersuarnermi matumani pissugaatsiartussaagunaravit kamippannik naleqquttunik atornissat innersuussutigissavarput. Ataatsimeersuarnermut nittartakkami ataatsimeersuarfiup qanoq isorartutiginerata assinga takuneqarsinnaavoq.

◼ Nipi: Saqqummiussassat oqaatsini sisamani tusarneqarsinnaapput. Sumiiffiit ilaanni allamiut oqaasii akornusiisinnaapput. Taamaattoqartillugu pitsaassaaq radiokkut naalaarutit nassassallugit. Radiomi frekvensit suut naalaarneqarsinnaanersut ataatsimeersuarnermut nittartakkami takusinnaavat.

◼ Issiaviit nammineq nassatat: Isumannaallissaaniarneq pissutigalugu innarluutilinnut issiaviit nassarneqarsinnaapput. Innarluutillit immikkut inissaqartinneqarumaarput. Tamanna Guutip naalagaaffianut kiffartorneq apriili 2015-imoortumi allassimasunut allannguutaavoq.

Paasisaqarnerujumallutit nittartagaq sammankomst.org alakkaruk. Sukkuussanerlutit ilisimaniassagakku nittartakkami tamatumani Friends Arenap eqqaatalu assinga aasinnaavat.