Nalunaarutit

◼ Biibililersaarutit neqeroorutigisassavut marsimi apriilimilu: Atuagassiat. Maajimi juunimilu: Biibilimi sorpiaat ajoqersuutigineqarpat? imaluunniit Sallusuissut paaserusuppiuk?

◼ Ukioq manna eqqaaniaalluni nalliuttorsiornissaq tallimanngornermi apriilip 3-anni nalliuttorsiutigineqassaaq. Ilagiit tallimanngornikkut ataatsimiittarpata sapaatip akunnerani pineqartumi ataatsimiinnissaq ullormut allamut nuunneqassaaq. Oqaluussinermut tunngasumik ataatsimiinnissaq taamaatiinnarneqarpat ilagiinnut pingaarutillit qaammatip ingerlanerani ataatsimiinnermi sammineqarnissaannut utoqqaanertaqatigiinnik ataqatigiissaarisoq allannguisinnaatitaavoq.

◼ Tallimanngorneq apriilip 24-anni 2015-imi immikkoortortaqarfik Holbækimiittoq takornarianut matoqqassaaq.

◼ Atuagassiaatitsinnik bussinut, nakorsiartarfinnut napparsimmavinnullu, kigutileriffiup qimuttuitsullu utaqqisarfiinut, timmisartoqarfinni aviisinik ilitsivinnut, aningaaserivinnut allanullu ilisinissaq tulluartuunngilaq. Taaneqartuni akisussaasumut akuersissummik piniaqqaartoqartariaqarpoq. Najoqqutassiaq tamanna maleruarneqanngikkuni suliniarnerput tusaamaneqarnerpullu ajoquserneqarsinnaapput. — 1 Kor 14:40; Hebr 13:18.

◼ Naalagaaffilersaarfik annertuumik aserfallatsaaliorneqaraangami immaqa piffissap ilaani ataatsimiinnernut katersuuttarfittullu atorneqarsinnaasanngilaq. Piffissami tamatumani qatanngutit naalagaaffilersaarfinnut allanut immikkuualullutik ataatsimiigiaannartarnissaat katersuukkiartarnissaallu innersuutigineqanngilaq. Ilagiit naalagaaffilersaarfimmi qanittumiittumi ataatsimiinnissatik katersuuttarnissatillu namminneq ingerlattassavaat.