Eqqaaniaalluni nalliuttorsiornissamut piareerpit?
Ukioq 33-uvoq nisanip 13-iat, Jiisusip nalunngilaa toqutaannginnermini ikinngutini qaninnerpaasani naggataamik unnussioqatigisussanngorlugit. Naggammik poorskisioqatiginiarpai nutaamillu nalliuttorsiutigisassamik naalakkap unnukkorsiortitsineranik taasaminik pilersitsissalluni. Pisussap pingaarutillip tamatuma piareersarluarnissaa pisariaqarpoq. Taamaattumik Petrusi Johannesilu piareersaajartortillugit aallartippai. (Luk 22:7-13) Taamanerniilli ukiut tamaasa eqqaaniaalluni nalliuttorsiornissamut kristumiut peqataaniartut piareersarnissaat pisariaqartarpoq. (Luk 22:19) Apriilip 3-anni eqqaaniaalluni nalliuttorsiornissamut suut piareersassavavut?
Oqaluussisartunit piareersagassat:
Eqqaaniaalluni nalliuttorsiornissamut qaaqqusinermik suliniarnerup tamakkiisumik peqataaffiginissaanut pilersaarusiorit.
Biibilimik atuaqqissaaqatitit, ilaquttatit, atuaqatitit, suleqatitit allallu ilisarisimasatit allattukkit qaaqqullugillu.
Eqqaaniaalluni nalliuttorsiornissamut immikkut ittumik Biibilimi atuagassat atuarlugillu eqqarsaatigeqqissaakkit.
Eqqaaniaalluni nalliuttorsiornissamut qaaqqusat tikilluaqquniarlugit aggiaarina.