Oqaluussinissamut periarfissatit atorluakkit!
1. Daavip maligassiaa qanoq ilinniarfigisinnaavarput?
1 Kunngip Daavip pisinnaasani killilerneqartut akornutigerusunngilai. Assersuutigalugu Daavi aalajangerpoq Jehova illuliuunniarlugu. Illuliuunnissaanut itigartinneqarami allatut iliuuseqarluni Salomo naalaffiliornissaanik piareersaallugu ikiorpaa. (1 Kng 8:17-19; 1 Nal 29:3-9) Daavip iliuuserisinnaanngisani eqqarsaatigiinnarnagu iliuuserisinnaasani siunniussimavaa. Oqaluussinermi periarfissarsiornitsigut Daavi qanoq ilaarsinnaavarput?
2. Periarfissaq suna misissorsinnaavarput?
2 Iliuuserisinnaasatit iliuuserikkit. Amerlasuut ikiorti-pioneritut pioneritulluunniit kiffartulerumallutik inuunerminnik pisariillisaasimapput. (Uss 4:25) Illit aamma taamaaliorsinnaavit? Atukkatit eqqarsaatigigukkit taakkulu qinnutinni eqqaasarukkit imaassinnaavoq ‘sulilluarnissamut periarfissaqarluartutit’. Taamaassappat periarfissat atorluaruk! — 1 Kor 16:8, 9.
3. Atukkavut pissutigalugit pioneriusinnaanngikkaluaruttaluunniit nalunaajaanissatsinnut qanoq periarfissaqarpugut?
3 Taavami atukkatit pissutigalugit pioneriusinnaanngikkuit? Allatut periarfissarsiorsinnaanerit mattuteqinagu. Assersuutigalugu suliffinni allamik upperisalinnut attaveqartaruit ajornanngippat nalunaajaaffigisinnaaviuk? Imaluunniit peqqissutsikkut ikiortarialiuguit ikiortivit nalunaajaaffiginissaanut periarfissat atorluarpiuk? Eqqaamajuk utoqqalinertik peqqiilliungaarnertilluunniit pissutigalugit pisinnaasamikkut killeqartut 15 minutsiinnaalluunniit nalunaajaanertik nalunaarsorsinnaammassuk. Qaammammut kiffartornermut nalunaarsuiffik immersulerukku aamma eqqaamassavat piffissaq torrutiinnarlugu oqaluussillutit atukkat, atuagassiat, naqitaaqqat, eqqaaniaanissamut ataatsimeersuarnissamullu qaaqqusissutit tunniussimasatit ilanngullugit nalunaarsussagakkit. Periarfissanut annikiginartunut piffissap atorneqartup annertusipallassinnaanera tupaallaatigissavat!
4. Suna aalajangiusimaviuk?
4 Qanorluunniit inuttut atugaqaraluarutta nutaarsiassap nuannersup siaruarternissaanut periarfissavut atorluartigit. Naalagaaffik pillugu pisinnaasarput naapertorlugu iliuuseqarsimalluta nalunnginnatsigu nalerisimaangaarumaarpugut. — Mark 14:8; Luk 21:2-4.