Oqaluussinermi angusat

Novembarimi oqaluussinermi angusanit erserpoq oqaluussineq aamma Naalagaaffimmik tusarliussat nr. 38-mik agguaaneq Jehovap pilluaqqusimagai. Naqitaaqqat 1,8 millioninit amerlanerusut agguaanneqarsimapput. Tassa agguaqatigiissillugu oqaluussisartoq ataaseq naqitaaqqanik 40-t missaaniittunik agguaassisimavoq! Danmarkimi, Islandimi, Sverigemilu oqaluussisartut amerlassusaat 1 procentimik amerleriarsimapput. Norgemi 2 procentimik Savalimmiunilu 6 procentimik amerleriarsimapput. Oqaluussisartut katillugit 48.580-iupput, pionerillu 3921-t saniatigut 2917-t ikiorti-pioneriusimapput. Islandimi oqaluussisartut 25 procentii assigiinngitsutigut piffissaq tamaat kiffartornermut peqataasimapput. Oqaluussisartut 376-it inunnik 305-inik Biibilimik atuaqqissaaqateqarsimapput. Oqaluussinermi angusat qiimmaallannartut allat eqqaaneqarsinnaagaluarput, angusalli taakku amerlanngitsut Oqaluussisartup Oqaasii 11:1-imi kajumissaarummik maleruaasimanitsinnut uppernarsaataapput: “Nerisassaatitit imaanut eqqakkit, kingunersuarilerpagu naniumaarpatit.”