Nalunaarutit

◼ Biibililersaarutit neqeroorutigisassavut novembarimi: “Toqusimasut uummaqqissinnaasoraagit?” Naalagaaffimmik Nutaarsiassat nr. 38-mik agguaassilluni immikkut ittumik suliniuteqarneq. Angalaarfigisartakkat tamakkersimagaanni imaluunniit Naalagaaffimmik Nutaarsiassat nungullugit agguaassimagaanni Biibilimi sorpiaat ajoqersuutigineqarpat? imaluunniit Sallusuissut paaserusuppiuk? neqeroorutigineqarsinnaavoq. Decembarimi: Biibilimi sorpiaat ajoqersuutigineqarpat? imaluunniit naqitaaqqat tulliuttut ilaat: Sallusuissut paaserusuppiuk? imaluunniit Biibili pillugu paasisaqarnerorusuppit? Januaarimi februaarimilu: Tusagassat nuannersut Guutimeersut!

◼ Paasissutissat inunnut tunngasut pillugit inatsimmi allassimavoq inuit allat susassarinngisaat pillugit allattuisoqartassanngitsoq. Tassa race imaluunniit inuiattut tunuliaqutaq, politikkikkut, upperisamik imaluunniit isumaliutersornermik aalajangiussisimaneq, kattuffimmut ilaasortaaneq aamma peqqissutsimut aappariinnermulluunniit tunngasut. Taamatumunngattaaq ilaapput pineqaatissiissutaasimasut, inuttut ajornartorsiutit ilaqutariillu iluminni atugaat, il.il. Maleruagassat taakku allattuisinnaanermut akornutaanngillat, pisariaqartinneqartulli kisiisa allannissaat naammappoq. Najoqqutassiaq pitsaasoq tassaavoq, pineqartumut takutinneqarsinnaanngitsunik allataqarnaveersaarnissaq. (Matt 7:12) Nammineq oqaaserisimasat, allassimaffiit atorsimasat atuagassiallu suut aggiutissallugit neriorsuutigisimasat allanneqarpata piareersarluarsimalluni pulaaqqiinissamut naammapput. Kajumissaarutigissavarput immersugassanik sanasoqartannginnissaa allattuiffissalli nalinginnaasut allattuinermut atorneqarnissaat.