Aallarniutitut siunnersuutit

Septembarimi arfininngornermi siullermi Biibilimik atuaqqissaaqateqalernissamut

“Inuit tamangajammik piffissap ilaanni qinusarput. Allaat guuteqannginneraasut ilaat ajornartorsiuleraangamik qinusarput. Qinnutit tamaasa Guutimit tusarneqartarsoraagit?” Akissutaanut tusarnaarit. Atuagassiap Napasuliaq Alapernaarsuiffik-up septembari-oktobarimoortup tunuaniittoq takutiguk. Apeqqutip siulliup ataaniittoq sammisiuk allassimaffillu minnerpaamik ataaseq atuarlugu. Atuagassiaq neqeroorutigiuk apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigalugu.

Napasuliaq Alapernaarsuiffik Septembari-oktobari

“Piffissaqalaaruit aperilaarusuppakkit. Tiingasulersaarutit qanoq siammarsimatiginerat inuppassuit annilaarutigaat. Amerlasuulli isumaqarput, tiingasulersaarutit aliikkutaannaasut akornutaanngitsut. Illit qanoq isumaqarpit? [Akissutaanut tusarnaarit]. Jiisusi oqarpoq, suna ajunngitsuunersoq orpiup inerititaanit takuneqarsinnasoq. [Matthæusi 7:17 atuaruk]. Tiingasulersaarutit kingunerisartagaat pillugit atuagassiami uani atuarneqarsinnaapput. Aamma tiingasulersaarutinik isiginnaartarnermik qanoq asoorussisoqarsinnaasoq atoriaannaasunik siunnersuuteqarpoq.”

Vågn op! Septembari

“Nalliuttoq nuannarineqarluartoq, halloweeni, pillugu paasissutissanik avitseqatigiumallutit saaffigaatsigit. Inuit ilaat aalajangersimapput nalliussiniarnagu. Biibilimi mianersoqqussut ilaatigut imaattoq pissutigalugu. [3 Mosesi 19:31 atuaruk]. Inuilli ilaasa anersaat silarsuaaniittut upperinngilaat halloweenilu nuannersutut ajoqutaanngitsutullu isigalugu. Nalliuttoq taanna illit qanoq isumaqarfigaajuk? [Akissutaanut tusarnaarit]. Atuagassiap uuma halloweenip oqaluttuassartaa nuanniitsoq qulaarpaa.”