Apeqquteqarfik

◼ Oqaluussisartoq kuisikkumalluni aalajangersimasoq kuisinnginnermini qanoq ataatsimiigiakulasartigisimallunilu oqaluussikulasartigisimassava?

Kuisinniarluni aalajangerneq aalajangassanit tamanit pingaarnerpaavoq. Taamaattumik kuisinniartup Guutip piumasaqaatai paasereersimakannersimassavai. Aammattaaq Guutip piumasaqaatai malillugit inuuniarluni aalajangersimanini takutisinnaalereersimasariaqarpaa.

Kristumiut peqquneqarput katisimasarnitik peqataaffiginngitsoortaqqunagit, taamaattumik oqaluussisartup kuisimanngitsup eqiasuilluni ataatsimiittarnerit najuuffigisalereersimasariaqarpai. (Hebr 10:24, 25) Aamma ataatsimiinnermi nalinginnaasumik akisalereersimasariaqarpoq. Aamma Teokratiimik Ilinniarfimmut ilaasalereersimassagunarpoq, tamannali piumasaqaataanngilaq.

Kristumiut tusagassamik nuannersumik oqaluusseqqullugit ajoqersuganngortitsiortoqqullugillu peqquneqarmata oqaluussisartoqkuisikkumalluni aalalajangersimasoq, oqaluusseqataasalereersimassaaq. (Matt 24:14; 28:19, 20) Qaammatini qassini kuisinnissani sioqqullugu oqaluussisareersimassava? Soorunami aalajangersimasumik aallussilluarlunilu qaammatit tamaasa oqaluuseqataarusussuseqarluni piffissaqarluarluni ersersinniassavaa. (Tuss 78:37) Taamaattorli oqaluusseqataasalerneraniit kuisinnissaanut sivisusariaqanngilaq, immaqa qaammatialuit naammapput. Nalunaaqquttap-akunneri qassit oqaluussinermut atortassavai? Tamatumunnga malittarisassaqanngilaq. Utoqqaanertat eqqaamassavaat oqaluussisartut immikkut tamarmik atugaat assigiinngitsuummata ingasaassinaveersaartuussallutillu. — Luk 21:1-4.

Utoqqaanertat (imaluunniit ikittuinnarnik utoqqaanertalimmi ilagiinni kiffartortut) kuisikkumasumik oqaloqateqarunik eqqaamassavaat inuit tamarmik assigiinngitsuummata, aamma kuisikkumasoq kuisinnissaminut piukkunnaateqarnersoq naliliilluarsinnaasariaqarput. Ilumut Jehovamut nalunaajaasoorusulluni kissaateqarnera, aamma Jehovap peqatigiiffianut ilaanerminik oqaluusseqataasarnerminillu pingaartitsinera utoqqaanertat naatsorsuutigisariaqarpaat. Anersaakkut suli inersimallualinngimmat imaluunniit oqaluussisartutut kuisimasutut misilittagalittut pikkoritsiginngimmat utoqqaanertat eqqaamasariaqarpaat. Utoqqaanertat misigigunik kuisikkumasoq suli kuisinnissaminut piukkunnarsisimanngitsoq inussiarnersumik Biibili tunngavigalugu aalajangiinerminnik ilisimatissavaat anersaakkullu ineriartornissaanik ikiorlugu.