Nalunaarutit

◼ Biibililersaarutit neqeroorutigisassavut februaarimi: Atuagassiaaqqat 32-nik quppernillit: Eqqumagitsi!, Inuuneq sumik siunertaqarpa? Qanoq ililluni nanineqarsinnaava? aamma Guutip ilumut soqutigaatigut? Pulaaqqiinermi atuagaq Biibilimi ajoqersuutigineqartut takutiguk atuaqqissaaqatiginissaanillu neqeroorfigalugu. Marsimi apriilimilu: Atuagassiat. Maajimi: Naqitaaqqat.

◼ Oqalugiaammut najoqqutassaq nutaaq saqummersinneqarsimavoq 2013-ilu aallarnerfigalugu eqqaaniaalluni nalliuttorsiornermi oqalugiartunit tamanit atorneqassalluni. Ukioq taanna qulequtaassaaq: “Kristusip illit pillutit iliuuserisimasaa qujamasuutigiuk!”

◼ 2013-imi eqqaaniaalluni nalliuttorsioreernerup kingorna oqalugiaat immikkut ittoq qulequtaqarpoq: “Toqu tassaava kikkut tamarmik naggatissaat? “

◼ Oqaluussisartutut allagartat ilagiinni oqaluussisartunit tamanit atsiorneqarsimanissaat allatsip qulakkeersimassavaa. Allagartami allassimasoqassaaq: “Aserortinneqassanngilaq”. Taamaalilluni ukiup aappaa allorlugu nutarsarneqarnissaat pisariaqassanngilaq. Allagartami inuttut paasissutissanik tunngasunik allassimasoqassanngilaq.