“Atuagassianut neqeroorutissanut siunnersuutit”

Oqaluussinermik tunngasumik ataatsimiinnermi atuagassiat qanoq neqeroorutigineqarsinnaanersut qaammatit tamangajaasa sammisarpavut. Atuagassiat imarisai tamakkerlugit sammineqarnissaat siunertaanngilaq. Atuagassianik neqeroornermi siunnersuutinik eqqartuinissaq siunnertaavoq. Taamaattumik atuagassiat pissanganarsaarniarlugit najoqqutassiaq naapertorlugu qatanngut naatsuaraararsuarmik aallarniuteqassaaq. Taava tamarmik malinnaasinnaaniassammata siunnersuutinillu atorsinnaasaminnik isumassarsisinnaaniassammata allaaserisamik ataatsimik (imaluunniit allaaserisanik ataqatigiinnik) oqaluussisartunit siunnersuuteqartoqassaaq. Saqqummiinermut siunnersuummut tamakkiisumik oqaluttuartitsinani, siullermik najuuttut apeqqummut assigiinngitsunik soqutiginartunik kingornalu allassimaffimmik atuagassamik siunnersuuteqarlit. Naggasiutigalugu atuagassiat immikkut saqqummiunneqarnissaat isumagissavaa. Ataatsimiigiannginnitsinni atuagassiat atuareersimanissaannut siunnersuuteqarnissamullu piareersimanissatsinnut kajumissaarneqarpugut. Tamatta piareersarluarsimagutta immitsinnut ipissaqatigiissinnaavugut. — Uss 27:17.