Nalunaarutit

◼ Biibililersaarutit neqeroorutigisassavut aggustimi: Atuagassiaaqqat 32-nik quppernillit: Eqqumagitsi!, Inuuneq sumik siunertaqarpa? Qanoq ililluni nanineqarsinnaava? aamma Guutip ilumut soqutigaatigut? Pulaaqqiinermi atuagaq Biibilimi ajoqersuutigineqartut takutiguk atuaqqissaaqatiginissaanillu neqeroorfigalugu. Septembarimi oktobarimilu: Atuagassiat. Novembarimi: Biibilimi ajoqersuutigineqartut.

◼ Septembarimiit ilagiinnik nakkutilliisup angalasartup oqalugiaataa qulequtaqassaaq: “Guuti saqeqatigalugu massakkut siunissamilu pilluaqqutissartaqarpoq.”

◼ Biibili kalaallisooq eqqorluartumik issuaaffigisarniarlugu “Naalagaq”-mik allassimasoqaraangat tamatigorluinnaq “Jehova”-mik taarserneqartariaqanngilaq. Guutip aqqa pineqaraangat imaluunniit kina pineqarnersoq nalornissutigineqaraangat “Jehova” atortassavarput.