Nalunaarutit

◼ Biibililersaarutit neqeroorutigisassavavut aggustimi: Atuagassiaaqqat 32-nik quppernillit ukua ilaat: Eqqumagitsi!, Inuuneq sumik siunertaqarpa? Qanoq ililluni nanineqarsinnaava?, Vil der nogensinde komme en verden uden krig? imaluunniit Skal man tro på en treenighed? Septembari: Biibilimi sorpiaat ajoqersuutigineqarpat? Oktobari: Atuagassiat Novembari: Biibilimi suna tusarliunneqarpa?

◼ Dvd-t marluk Jehovas Vidner — En levende tro, 1. del: Ud af mørket aamma Det fantastiske skaberværk vidner om Gud oqaluussinermut tunngasunik ataatsimiinnerni kingusinnerusukkut sammineqassapput. Pisariaqarpat, ilagiit aqqutigalugit pingaarnerpaamik inniminnerneqassapput.

◼ Qatanngut napparsimmavimmut unippat, unittup pulaarneqarnissaanik pisariaqartitaanillu ikiorneqarnissaanik aaqqissuussisoqarnera asanninnermik ersersitsinerussaaq. (Matthæusi 25:36, 40) Angalaaqatigiittartunik nakkutilliisup utoqqaanertaqatigiinnillu ataqatigiissaarisup tamanna isumagissavaat. Qatanngut ilagiinnit ilaaffigisaminit napparsimmavimmut ungasittumut uneratarsinnaavoq. Aamma taamatut pisoqassappat angalaaqatigiittartunik nakkutilliisup aamma utoqqaanertaqatigiinni ataqatigiissaarisup qatanngutip pulaarneqarnissaa qulakkeertariaqarpaat. Napparsimmavinnut Attaveqartitat aaqqissuussaat aamma atorsinnaavaat.

◼ Ilagiinnit ilaajunnaarsitaasimasut imaluunniit nammineerlutik ilaajunnaarsimasut pillugit Napasuliaq Alapernaarsuiffik 1. oktobari 1991-mi qupperneq 17-19-imi allaaserisami siunnersuutit utoqqaanertaqatigiinnut tamanutmaleruaqqullugit eqqaasitsissutigineqarput.