Ilaqutariit anersaakkut nukittuut — Qanoq?
1 Ilaqutariit kristumiut ’ilaquttaminni Guutimik mianerinnillutik inuusut’ nersortariaqarput. (1 Tim 5:4) Ajortorpassuarnilli sunnerneqartarnerput upperisatinnullu ajoqutaasinnaammat ilaqutaariit anersaakkut nukittuujuaannarniarlutik sapinngisamik ilungersornissaat pingaaruteqarpoq. Qanoq taamaaliorsinnaappat?
2 Jiisusi Kristusitut siuttuugit: Ilaqutariit nakussatsinneqassappata ilaqutariinni ittuusup, Jiisusi Kristusip akisussaffimminik paarsinera ilaartariaqarpaa. Jiisusip inuunini tunniullugu asanninninni uagutsinnut takutiinnanngilaa, aap, ullumimut allaat ilagiit ’inuussutissittarpai paaqqisarlugillu’ (Ef 5:25-29) Angajoqqaat asannittut maligassiaq tamanna malissaavaat ulluinnarni ilaquttammi anersaakkut pisariaqartitaannik eqqumaffiginninnermikkut. Tassa ilaqutariittut sapaatip-akuunneri tamaasa atuaqqissaaqatigiittarnikkut, qaqugukkulluunniit periarfissaqarniariartoq anersaakkut ittunik eqqartueqatigiittarnikkut ajornartorsiuteqaleraangallu iluarsiiniapallattarnikkut. — 5 Mos 6:6, 7.
3 Oqaluussinermi: Ilaqutariinniittut tamarmik ilisimasariaqarpaat pallorfiginninnermi Jehova siunertaalu pillugit nalunaajaanissaq pingaaruteqartut ilagigaat. (Es 43:10-12) Ilissi angajoqqaat kissaatigigussiuk meeqqasi Jehovamut nalunaajaasunngussasut aalajaatsut, piaarnerpaamik oqaluusserusussuseqalersinniartariaqarpasi. Sapaatip-akunneri tamaasa sooq oqaluusseqataasarnissamut sooq tunniusimasariaqarnersugut eqqartorsiuk. (Matt 22:37-39) Aalajangersimasumik kiffartornermi suleqatigiittarnissarsi aamma pilersaarusiorsiuk.
4 Ilaqutariittut atuaqqissaaqatigiinnermut ilanngullugu oqaluussinermik pingaartitsinissaq piareersaqatigiinnikkut sunniuteqarluartumillu saqqummiisarnissaq sungiusarnikkut ineriartortissiuk. Meeqqat immikkut tamaasa kiffartornermut ilinniartissigit, ukiui piginnaasaallu naapertorlugit taamaalillutik siumukarnissaannut ikiorneqarniassammata. Oqaluussereerlusi angerlarussi, meeqqat oqaloqatigisigit Jehovap ajunngissusia namminneq qanoq misigisimaneraat. Uppernermut nakkussatsissutaasumik misigisalikkersaaritsi. Ilaqutariit ’[Jehovap] ajunngissusia ussereersimagunikku’ Jehovamut qaninnerulissapput ’ajussuserlu tamaat’ ingalassimaniarnissaanut nukissaqalissallutik. — 1 Pet 2:1-3.
5 Ataatsimiigiartaritsi: Ilaqutariit tamarmik ikioqatigiillutik ataatsimiinnernut tamanut takkutartut takullugit nuannertaqaaq, ingammik ilaqutariinni ataaseq qasulluni, nikallugalluni artukkerneqarsimalluniluunniit peqataagaangat. „Ataataga suliffimminit angerlaraangami qasusarpoq,“ qatanngut arnaq inuusuttoq oqarpoq. „Ataatsimiinnermili pisassavut pillugit oqaluuttutilaartarpara ilaanissaminullu kajumississutigisarpaa. Uangalu qasugaangama taassuma ilaanissannut kajumissaartarpaanga.“ — Hebr 10:24, 25.
6 Suleqatigiissutigisigit: Ilaqutariit sammisaqaqatigiittariaqarput, periarfissarpassuaqarporlu. Illup iluani suliassanik silataaniluunniit aaqqissugassanik ikioqatigiissinnaapput. Sukisaarsaarnissamulli aamma piffissaqartariaqarpoq. Ilaqutariit asiaqaqatigiittarunik, pisuttuaqatigiittarunik, assigiinngitsunik pinnguaqatigiittarunik ilaquttaminulluuniit ikinngutiminulluunniit pulaaqatigiittarunik, nuannersumik kingumut eqqaasassavaat. — Tuss 3:4.
7 Ilaqutariit nukittuut, anersaakkut akornutaasinnaasut ullut tamaasa nalaattakkatik ajugaaffigisinnaavaat. Jehovamut qaninnerulernermikkut nakussateqqinneqartarput. — Ef 6:10.