Nunarsuarmut isorartoqisumut — oqaluussiartorluni
Videofilmi Ud til hele den vide Jord kikkunnit takoqqittaqattaarneqarusussinnaava? Ajoqersuiartortitanngorusuttunit. Sooq? Napasuliaq Alapernaarsuiffik-up Biibilimik Atuarfiat, Gilead, pillugu paasisimasaqarnerulersissammagit. Atuarfik taanna nalissaqanngitsoq, 1943-mi, ’nunarsuarmut isorartoqisumut’ oqaluussineq siuarsarniarlugu pilersinneqarsimavoq. Videofilmip, pisimasup tamatuma ukiuni 50-nngortorsionera malunnartinniarpaa. (Tuss. 22:28) Videofilmi takugukku suliani tamani pingaarnerpaaq, tassa tusarliussamik nuannersumik oqaluussineq pingaartinnerulissavat, suliaqarnerulernissannullu kajumissisissavaatit. Eqqarsaatigiuk: (1) Jehovap peqatigiiffiata 1940-kkut aallartinnerani suna ulapputiginerusimavaat? (Ap. Sul. 1:8) (2) Biibilimi siulittuutigineqarsimasoq tupinnartoq suna 1942-mi eqquutingajavissimava, paasinnittaaserpullu silarsuamit matumannga qanoq allaanerutigaa? (Saqq. 17:8; VT 15/4-98 qup. 14, § 12) (3) Sorsunnersuup aappata kingorna eqqissisimaneq ilimagisaasoq atorluarniarlugu suna pilersaarutigineqarpa? (jv qup. 522, § 1, 2) (4) Gileadimi atuarfimmi klassimi siullermi atuartuni pissuseq qanoq ittoq nersornartuua? (5) Gileadimi ukiuni 50-ni siullerni atuartut qassit soraarummeersinneqarsimappat, nunanullu qassinut aallartinneqarsimappat? (6) Atuarfimmi atuartut Biibilimit qanoq ilinniartinneqartigisarpat? (7) Ajoqersuiartortitanngorniaraanni pikkorissoq Guutip oqaasianik ilinniartitsillaqqissoq, suna pisariaqarpa? (8) Ajoqersuiartortitat qanoq inooriaaseqalersarpat, tamannalu qanoq immikkut ittumik unamminiarnartoqarpa? (9) Ajoqersuiartortitat atukkatik qanoq isumaqarfigaat, tunniulluinnarsimasumillu inooriaaseqarnerisa qanoq immikkut ittumik nuannaalersittarpaat? (10) Ajoqersuiartortitat tusindilippassuit manna tikillugu suna suliarisimavaat? Assersuutinik taasaqarit. (11) Qatanngutit angutit arnallu ’nunarsuarmut isorartoqisumut’ oqaluussiartorlutik aallarsimasut qanoq ilinnut sunniuteqarpat? (12) Ajoqersuiartortitat maligassiuinerisa qanoq kajumissaarpaatit, aamma sooq?