Nalunaarutit

◼ Neqeroorutissat kalaallisut: Juuni: Guutip sumik piumaffigaatigut? imaluunniit Ilisarsineq inuunermut naassaanngitsumut sammisoq. Biibilimik atuaqqissaaqatissarsiorneq pingaarnerutiguk. Juuli aggustilu: Atuagassiaaqqat 32-nik quppernillit makku atorneqarsinnaapput: nâlagauvfik pâratîsimik pilersitsiumârtugssaK, Guutip ilumut soqutigaatigut?, nunami inûneK nâgssáungitsumik nuánârutigiuk!, Inuuneq sumik siunertaqarpa? Qanoq ililluni nanineqarsinnaava?, Toqugutta qanoq pissaagut?, Asasamik toqusoqaraangat ’Ata! Suut tamaasa nutaanngortippakka’. Aammattaaq atuagassiaaraq Inunnut tamanut atuagaq naleqquppat neqeroorutigineqarsinnaavoq. Septembari: Biibilimit oqaluttuaatikka.

◼ Assit seqersitakkat „Et kald fra Nord“ qisuariarfigalugu amerlasuut Savalimmiunut Kalaallit Nunaannulluunniit nuukkusussinnaanertik oqaatigisimavaat, ilaqutariillu arlallit nooreersimallutilluunniit nuunnialerput. Nuannerlunilu qiimmassaataavoq. Ilaqutariinnilli suli pisariaqartitsisoqarpoq. Taamaattumik tamaasa kajumissaarumavavut periarfissatik qinunikkut eqqarsaatigiuaqqullugit. Immaqa aamma siunissami ungasinngitsumi periarfissaqalernissaanut anguniagaralugu pilersaarusiorneq ajornassanngilaq. Amerlanerusut ikiuisinaappata pingaartinneqangaassaaq. Kalaallit Nunaanni suliffissamik inissamillu periarfissanik malinnaarusuttut e-mailikkut fremik@greennet.gl allaffigisinnaavaat.

◼ Naalagaaffilersaarfimmi ataatsimiinnissanik pilersaarutaareersut sapinngisamik ukioq kaajallallugu ilagiinni tamani malinneqartassapput. Tamanut ammasumik oqalugiarnerit aasap qaammataani taamaatiinnarneqartassanngillat, ilagiillu ataatsimiinnissaat ataatsimoortinneqassanngillat. Taamaallaat ilagiinnik nakkutilliisoq angalasoq imaluunniit Beteliminngaanneersoq oqalugiartussaagaangat ataatsimiiffissaq allanngortinneqarsinnaavoq.

◼ Kiffartornermik nakkutilliisup kiffartornermullu ataatsimiititaliameersut qatanngutit angutit arlaat peqatigalugu juunip qiteqqunnerani ilagiit atuakkamik atuaqqissaaqatigiinnerni aqutsisut ataatsimeeqatigissavaat aasaanerani oqaluussisartut tamarmik akuttoqatigiimmik peqataasinnaanissaannut ikiorniarlugit piareersaasiorlutik.

◼ Pilersaarusiornissassinnut atatillugu maannangaaq nalunaarutigissavarput ulloq immikkut oqaluussiffiusussaq tulliuttoq oktobarip arfernnanni pissammat. Tamassi kajumissaarusuppassi ullormi immikkut oqaluussiffiusussami ilaasinnaanissassinnut piareersalereeqqullusi.

◼ Aggustimiit ilagiit atuakkamik atuaqqissaaqatigiinneranni atuagaq Esajas’ profeti — et lys for alle mennesker sammilissavarput. Kingusinnerusukkut atuagassiaaqqap apeqqutitassai kalaallisut nassiunneqarumaarput.