Eqqaaniaalluni nalliuttorsiunnginnermi eqqaamasassat

Sapaammi 8. apriili eqqaaniaaluni nalliuttorsiunnginnermi tulliuttut eqqaamakkit:

◼ Nunatsinni illoqarfinni ilageeqarfitsinni seqernup tarriffissaa: Qaqortoq: 20.08, Narsaq: 20.08, Paamiut: 20.25, Nuuk: 20.40, Maniitsoq: 20.49, Sisimiut: 20.58, Ilulissat: 20.59. Ilagiinni seqineq tarritsinnagu oqalugiaat aallartinneqarpat qulakkeerneqartariaqarpoq seqineq tarrereerpat aatsaat timiusap viinnillu ingerlaartinnissaat.

◼ Tamaasa nalunaarfigisigit, oqalugiartussarlu ilanngullugu, sumi qaqugulu eqqaaniaaneq ingerlanneqassasoq.

◼ Timiusaq viinnilu eqqortut pissarsiarikkit. — Takuuk Napasuliaq Alapernaarsuiffik 1. marsi 1986-imoortoq, qupperneq 13.

◼ Nerrivik, nerriviup qalia, puuguttat immiartorfiillu piffissaalluartukkut aaqqissorneqarnissaat isumagiuk.

◼ Naalagaaffilersaarfik ataatsimiiffissarluunniit piffissaalluartukkut eqqiarluarsiuk.

◼ Nakkutilliisussanik assersuutinillu ingerlatitsisussanik toqqaagit, periaatsinillu atorneqartussanik ilitsersuullugit. — Takuuk kmD 3/89, qupperneq 4-mi allaaserisaq „Mindehøjtiden 1989“.

◼ Tanitat napparsimasut najuussinnaanngitsut isumagineqarnissaannik isumaqatigiissuteqarit.

◼ Ilagiit arlallit naalagaaffilersaarfik ataaseq eqqaaniaanermi atussappassuk suleqatigiittariaqarput, torsuusarsuarmi, aqqusinermi biilinillu inissiisarfimmi pisariaqanngitsoq inissakilliorneq pinngitsoortinniarlugu.