Nalunaarutit

◼ Neqeroorutissat kalaallisut: Januaari februaarilu: Atuakkat pisoqaanerusut 192-inik quppernillit ilagiinni pigineqartut tamaasa. Marsi: Ilisarsineq inunermut naassaanngitsumut sammisoq. Biibilimik atuaqqissaaqatissarsiorlusi immikkut iliuuseqaritsi. Apriili: Atuagassiat Napasuliaq Alapernaarsuiffik Iteritsi!-lu atuagaq ’Ilisarsineq’ imaluunniit atuagassiaaraq Guutip sumik piumaffigaatigut? Biibilimik atuaqqissaaqatissarsiornissinni atorsigit.

◼ Februaarimiit kingusinnerpaamillu marsip 4-ani nakkutilliisup angalasartup tamanut ammasumik oqalugiaatissaa nutaaq tassaavoq „Ulloq eqqartuutiffissaq — ernumassutissaava isumalluarfiuussalluniluunniit?“

◼ 2001-imi oqalugiaat tamanut ammasoq immikkut ittoq sapaammi apriilip aallaqqaataani oqalugiaatigineqassaaq. Ima qulequtaqarpoq: „Kina annassinnaava?“ Oqalugiaammut najoqqutassamik nassiussuisoqassaaq. Sapaammi tamatumani ilagiit nakkutilliisumit angalasartumit tikeraarneqarpata, ataatsimeersuaararpata ullormiluunniit ataatsimi immikkut ittumik ataatsimeersuarpata oqalugiaat tamanna sapaatip akunnerani tulliuttumi oqalugiaatigineqassaaq. Apriilip aallaaqqaataata siornagut oqalugiaatigineqassanngilaq.

◼ Qularnanngitsumik oqaluussisartut amerlasuut upernaami aggersumi immikkut suliniuteqarnermi ikiorti-pioneeriuniassapput, atuagassiaatitsinnillu pajuttagaqalernissaq anguniagaasussaalluni. Taamaattumik ilagiit qinnuigissavavut eqqarsaatigeqqullugu qaammatini taakkunani atuagassiat pisartakkat saniatigut qassit pisariaqartinneqassanersut. Atuagassianik marsimoortunik inniminniissut kingusinnerpaamik decembarip 25-ani 2000-imi Seltersimeereertariaqarpoq, apriilimoortunik kingusinnerpaamik januaarip 22-ani, maajimoortunillu kingusinnerpaamik februaarip 26-ani 2001-imi.

◼ Arfininngorneq apriilip 7-at ulloq immikkut oqaluussiffiussaaq, ilagiillu kiffartornissartik pilersaarusiortariaqarpaat ulloq taanna immikkut nalunaajaaffiulluaqqullugu. Tamarmik ulloq taanna kiffartoqataasinnaaqqullugit kajumissaarneqartariaqarput.