2001-imi Teokratiimik Atuarfik
1 Tamatta sapinngisamik Teokratiimik Atuarfimmi peqataanissatsinnut Biibilimi tunngavissarpassuaqarpugut. — Uss. 15:23; Mat. 28:19, 20; ap. sul. 15:32; 1 Tim. 4:12, 13, 2 Tim. 2:2; 1 Pît. 3:15.
2 Teokratiimik Atuarfimmi sapaatip-akunneranut Biibilimik atuagassap atuarneqartarnera pilersaarutigineqartartuni qangali aalajangersimasumik ilaavoq. Imaappoq ullormut Biibilimik atuarneqartussaq quppernerup ataatsip missigigaa. Ukioq manna aallarnerfigalugu sapaatip-akunnerini allattariarsorluni uteqqiinerni aamma Biibilimik atuagassaqartassaaq. Maanna Biibilimik atuagassatta saniatigut pilersaarusiaq, ukiuni kingullerni pingasuni malittarineqarsinnaasimasoq, naammassivarput. Biibilimilli atuagassap nalinginnaasup saniatigut atuaqqikkumaguit nammineq atuarnissannut pilersaarusiorsinnaavutit.
3 Pisassaq nr. 2 qatanngutinut angutinut Guutip oqaasianik atuallaqqinnerulernissaannut iluaqutaavoq. (1 Tim. 4:13) Biibilimik atuaanermik pisassinneqaraangavit sungiusarlutit atuagassat atuartaqattaarsinnaavat. Peqatigiiffiup immiuttagai tusarnaartarnerisigut oqariaatsitit allanngoraartumillu atuaasinnaanerit allallu pitsaanerulersissinnaavatit.
4 Pisassami 3 4-milu saqqummiussassat ’Ræsonnerebogimit’ tigusaapput oqaluussinermi atugassanngorlugit aaqqissorneqarlutik. Malugiuk innersuussutigineqartut 1991-imi aaqqissuuteqqitaminngaaneermata. Pisassaq piffissarititamut naleqqiullugu annertuallaarpat najugaqarfinnut naleqqussarlugu imaanit qinigaqarit. Pisut suut tamaasa angalaartarfissinni soqutigineqartut atorneqarsinnaapput.
5 Atuarfimmi pisassat saqqummiukkumallugu ingasaatinngikkaluarlugu ilungersuuteqarit. Piareersarlutit piffissaqarluarit uummatinniillu oqalugit. Taava ilagiit qiimmassassavatit, namminerlu 2001-imi Teokratiimik Atuarfimmi uummammik tamakkiisumik peqataanerit iluaqutigissavat.