Nalunaarutit
◼ Neqeroorutit: Marsi: Ilisarsineq inuunermut naassaanngitsumut sammisoq. Biibilimik atuaqqissaaqatitaarnissat sulissutigiuk. Apriili maajilu: Atuagassiat Napasuliaq Alapernaarsuiffik aamma Iteritsi! Atuagassiaaraq Guutip sumik piumaffigaatigut? Biibilimik atuaqqissaaqateqarnermi atorneqarsinnaavoq. Juuni: Guutip sumik piumaffigaatigut? Biibilimik atuaqqissaaqatissarsiorneq pingaartiguk.
◼ Oqaluussisartut apriilimi aamma/imaluunniit maajimi ikiorti-pioneeriunissaminnik kissaateqartut maanna pilersaarusiortariaqarput qinnuteqaatitillu piaartumik tunniullugit. Ikiorti-pioneeriusussatut toqqarneqartut aqqit qaammatit tamaasa ilagiinni taaneqartassapput.
◼ Atuakkap Giv agt på Daniels profeti!-p atuaqqissaarneqarnissaanut pilersaarut Guutip Naalagaaffianut Kiffartorneq-mi matumani ilanngunneqarpoq. Fotokopeersinnaavat atuakkannullu ilillugu.
◼ Nakkutilliisut siulittaasup taassumaluunniit toqqagaata, marsip aallaqqaataani imaluunniit tamatuma kingorna piaarnerpaamik ilagiit naatsorsuutaat kukkunersiortariaqarpaat. Taama pisoqareerpat ilagiit nalunaarfigineqassapput.
◼ Eqqaaniaalluni nalliuttorsiorneq ukioq manna pingasunngornermi 19. apriilimi seqernup tarrinnerani nalliuttorsiutigineqassaaq. Nunatsinni seqineq tarrissaaq: Narsaq: 20.37 Qaqortoq: 20.36, Paamiut: 20.56, Nuuk: 21.15, Maniitsoq: 21.26, Sisimiut: 21.39, Ilulissat: 21.46. Ilagiit ilaanni seqineq tarritsinnagu oqalugiaat aallartikkaluarunikku seqineq tarritsinnagu timiusaq viinnilu ingerlaartinneqassanngillat. Ilagiit nalinginnaasumik pingasunngornermi ataatsimiittarpata periarfissaqarpat sapaatip-akunnerani ulloq alla ataatsimiittariaqassapput.
◼ Ilagiinnut attaveqartut tamarmik Napasuliaq Alapernaarsuiffik-mik aamma Iteritsi!-mik aalajangersimasumik pisartagaqalersut pisartagaqaqqilersullu ilagiit aqqutigalugit ingerlateqqissavaat
◼ Peqatigiiffiup oqaluussisartut ataasiakkaat inniminniineri tiguneq ajorpai. Qaammatit tamaasa inniminniinermut allagartaq Tysklandimut nassiutinnginnerani nakkutilliisup siulittaasup nalunaarutigineqarnissaa isumagisariaqarpaa, taamaalillutik inniminniiniartut tamarmik atuagassianik isumaginnittumut saaffiginnissinnaaniassammata. Maluginiarsiuk atuagassiat suut immikkut inniminniigassaanersut.
◼ Angajoqqaatut oqartussaanermut meeqqanillu najorteqarsinnaanermut atatillugu inatsisitigut ajornartorsiutillit uppinngitsunik nalunaajaasuusimasunilluunniit akuliusimasoqartillugu, utoqqaanertat aqqutigalugit Peqatigiiffiup allaffianut Holbækimiittumut atassuteqaqquneqarput. Angajoqqaatut oqartussaanermut meeqqanillu najorteqarsinnaanermut atatillugu inatsisitigut allanik ajornartorsiutillit paasissutissat iluaqutaasut Vågn op! 8. december 1997-meersoq, quppernerit 3-12, aamma 22. oktober 1988-meersoq, quppernerit 12-14, aamma 22. april 1991, qupperneq 9-mi ungalulikkami nassaarisinnaavaat.